di - Ajere guagliú s’êv’ ‘a vencere assulutamente p’apprufittà d’ ‘o miezu passo favezo d’ ‘a rubbentussa [fermata ‘ncopp’a ll’uno a uno dô Genoa dint’ô cesso ‘e Torino]e p’apprufittà d’ ‘o sciuliamazzo pigliato contro ô Chievo (0 a 1) dô pappavallo ‘e Lotito; s’êv’ ‘a vencere assulutamente pe metterce ‘nsulitario ô siconno posto ‘ncrassifica e pe cuntinuà […]
di - Tutto summato dicimmo, pure si nun è overo, dicimmo ca fuje cuntento guagliú! Ajere all’ora d’ ‘o spasso,’o Napule purtaje ‘mpuorto senza nisciuna parpetazzione ‘e core, ‘o primmo fullé d’ ‘o ggirone ‘e ritorno e â fine d’ ‘a jurnata [arrivanno a quaranta punte, ê spalle d’ ‘o pappavallo ‘e Lotito (42 punte) e a […]
di - Tengo ‘o core dint’ô zzuccaro guagliú! Certo ll’anno nuovo êsse pututo pure accummincià meglio si ‘o pappavallo ‘e Lotito nun se fósse arrubbato ‘nu paro ‘e punte cu ‘nu ricore ca nun ce stette e si ‘o Diavulo nun êsse fatto ‘o stesso cu chillu figlio ‘e coperativa ‘e Pazzini ca [comme ll’avverzario l’appujaje ‘na […]
di - I’ ancòra nun ce pozzo credere guagliú… Ca ajere se jette a vvencere a sSiena, nun me pare ancòra overo. Ma pe furtuna ‘o pallone nun è ‘na scienzia esatta, è ttunno e po’ succedere comme succedette ajere ca ‘o Napule se purtaje tre ppunte â casa vincenno a ll’urdimi ddiece minute doppo ca pe […]
di - E ppure chesta êv’ ‘a vedé: ‘a sderrata (sconfitta) casalinca d’ ‘o Napule. E purtroppo ‘a vedette… ajeressera! E te futte, te futte si ‘o Napule êsse perzo cu ‘na scuatra blasunata e ‘mpurtante e ‘mmece cu chi jette a pperdere? Cu ‘a scuatra bulognese ca primma d’ ajeressera luttava pe nun retrocetere e ca, […]
di - Maledizzione guagliú…, maledizzione! Ajeressera a mMilano contr’â scuatra ‘e Stramaccione ‘o Napule perdette n’atu treno. Ànno voglia ‘e dicere, Mazzarri e troppi pennarule ca lle songo amice, ànno voglia ‘e dicere ca ‘o Napule détte ‘na lezziona ‘e pallone a ll’Interre… Ce azzeccammo arret’â capa… ‘a lezziona! I’ saccio sulo ca ajeressera ce ‘ntussecajemo e […]
di - E cchesta nn’ è n’ata! Che granna fijura ‘e mmerda ca facettemo ajeressera… Doppo d’ ‘o tre a zzero â casa lloro, ajeressera ll’ulandese ce venetteno a paccherià pure ‘ncasa nosta ! Che scuorno! Che scuorno guagliú! E i’ nun ce pozzo credere; ‘o vvedette, ma ancòra nun ce credo ca chillo d’ajeressera fuje ‘o […]
di - Missione cumpiuta, guagliú! Ajere, a ll’ora scòmmeta d’ ‘a tiella, s’êva vencere pe tené ‘o passo d’ ‘a rubbentus(sa) ca sàpato a ssera, ajutata ‘a chillu nnacchennello ‘e Rocchi, êva scummato a ssanco ‘o Toro… e ppe cunfermarce ô siconno posto ‘ncrassifica, e mantenercelo ‘stu beneditto posto ca mo comme a mmo è ‘o mmassimo […]
di - È ffatta guagliú, è ffatta! ‘Ncanna, ‘ncanna ma è fatta! Ajeressera s’ aveva ‘a vencere e se vincette. Cu tutto ca Mazzarri sbagliaje a schierà ‘a difesa mettenno centrale a Aronica, quanno êsse pututo metterce Britosso o Gamberini e soprattutto cu tutto, ca mettette a ffà ‘a parte ‘e Inlerro a ‘na mmummia alisandrina comme […]
di - Che nervatura guagliú, che nervatura e che scajenza! Ma comme ajeressera ‘o Napule aveva avuta ‘a sciorta ‘e ‘ncuntrà ‘nu Milàn(no) quase muorto ô san Paolo dint’â jurnata ca ‘a rubbentus(sa) e ‘o pappavallo ‘e Lotito êvano ‘mpattato pe zero a zzero… e aveva avuta ‘a sciorta ‘e mettere ddoje palle ê spalle d’Abbiati(ca [pe […]
di - Che tensione, guagliú chella partita d’ajere! Fernette a ttarallucce e vvino e ne simmo tutte cuntente, ma pe troppu tiempo, ‘ntribbuna divano, fujemo custrette a magnarce ‘o fecato vedenno cierti fessarie retissante d’ ‘a difesa e cchelle ‘e quaccuno sotto porta cuntraria. Fernette ca vincettemo e nne simmo tutte cuntente, ma nun è pussibbile rijalà […]
di - Missione cumpiuta, guagliú! Cu ‘sta scuatra ucrajena ca ‘ncasa lloro ce avevano mazziato pe ttre a uno, tenévamo ‘nu cunto ‘nsuspeso e ajere ce simmo levato ‘e pprete dâ scarpa, soprattutto cu ‘o trainer(ro) lloro ca aveva ditto d’essere venute a nNapule pe vatterce n’ata vota e ce fosseno quase riuscite si a ‘nu certu […]
di - Sto’ ‘ncazzato guagliú, ‘ncazzato assaje e nun ce ‘a perdono!… Pecché nun se ponno jettà dduje punte comme facetteno ajere ‘e cuane ca doppo d’esserse assicurato cu ‘o Matadòr(ro) ‘o vantaggio ggià ô sesto minuto d’’o primmo aione cu ‘na bbella jucata ‘e Marekiaro nun riuscetteno pe tutto ‘o riesto d’ ‘o primmo aione e […]
di - Sto’ smarrezzato (avvilito) guagliú. Ve cunfesso ca mm’ero frusciato e ca dâ partita d’ajeressera a Bergamo me fósse aspettato tre ppunte e ‘mmece fernette ca dint’â notte d’ ‘e streche ‘o Napule facette ‘a fijura d’ ‘a cucozza e ce ne turnajemo scunfitte, ‘mpurpate d’acqua e ccarreche ‘e maraviglia e nun fujemo crestiane dint’â bbellezza […]
di - No, guagliú cca s’à dda vedé che s’ à dda fà! Accussí nun po’ gghí! Cierti partite ca se ponno vencere pe quatto a zzero, s’ ànn’ ‘a vencere pe quatto a zzero e nno p’uno a zzero facennoce vení ‘e pparpetazzione ‘e core ll’urdemu quarto d’ora, prijanno ‘o Cielo ca ll’arbitro siscasse ampressa ‘a […]
di - E accussí, guagliú, âmmo fatto n’ata fijura ‘e seje sorde! Stongo avvilito,ma i’ nun me riesco manco a m’arraggià pecché, v’ ‘o ggiuro, quase me ll’aspettavo! Ògne vvota ca ‘o Napule nun fa jucà ‘e titulari, fa ‘na fijura ‘e mmerda! ‘A dimustrazzione ‘e chello ca sto’ dicenno fuje ‘o siconno aione (quanno trasetteno tre […]
di - Guagliú tenco ‘o vveleno nfi’ a ‘mpont’ô musso! M’ero sunnato ‘o tramme elettrico e me penzavo ca doppo ca ‘o Napule aveva resistito pe uttanta minute fossemo turnate ‘a Turino cu allimmeno ‘nu punto. Ma, mannaggia chello ca nun se po’ ddicere…, nun fuje accussí e ‘a zoccola janca e nnera,ma ajere tutta nera…, a […]
di - Guagliù, che ve pozzo dicere? Sulo ca dint’ ô pallone, comme a ddint’â vita, chello ca conta è vvencere e ‘o riesto so’ chiacchiere e ttabbacchere ‘e lignammo… Ricurdammoce chello ca screveva don Peppino Pacileo: ‘O primmo è pprimmo e ll’ate so’ tutte strunze! E pp’ ‘o mumento ‘o Napule è pprimmo pecché ajeressera vincette […]
di - Maledizzione, guagliú! Che scuorno! Che granna fijura ‘e mmerda ca facettemo ajeressera… E Mazzarri dicette ca ‘na mazziata accussí ce po’ stà. E i’ ‘mmece dico ca No! Nun ce stongo, nun ce stongo e nun ce stongo… nun me va ‘e farme piglià p’ ‘o prozo dô livurnese e da De Chiacchiaroniis cu ‘a […]
di - Tengo ‘o core dint’ô zzuccaro, guagliú! Ajere ssera chello ca Maria vuleva ‘nzuonno lle jeva. ’E luvarde avettono a disposizzione ‘e spazzie pe ffà male e ‘e sfruttajeno a mestiere, e â fine ‘o punteggio fuje pure busciardo visto ca ‘o Napule jette vicino â rredda allimmeno n’ati tre o quatto vote. ‘Nzomma ‘ ‘o […]