Aggiu deciso!
Me mecco a ffà ‘o purpo!
Visto ca subbeto doppo ca ll’Argentina era stata eliminata avevo ditto, primma ‘e tutte ‘e pennarule d’ ‘a televisione…, ca a vvencere ‘o campiunato mundiale fosse stata no ‘a Ccermania o ll’Ulanda (doppo ll’Italia ‘e Lippi ‘e squatre cchiú sbruffone…viste lla bbascio), ma ‘a Spagna e comm’ ô purpo ce aggiu pigliato…, aggiu deciso: me […]
Visto ca subbeto doppo ca ll’Argentina era stata eliminata avevo ditto, primma ‘e tutte ‘e pennarule d’ ‘a televisione…, ca a vvencere ‘o campiunato mundiale fosse stata no ‘a Ccermania o ll’Ulanda (doppo ll’Italia ‘e Lippi ‘e squatre cchiú sbruffone…viste lla bbascio), ma ‘a Spagna e comm’ ô purpo ce aggiu pigliato…, aggiu deciso: me mecco a ffà ‘o purpo danno ‘e nummere; e accummencio subbeto cunziglianno ‘nu terno sicco o p’ ‘a rota nazziunale o pe ttutte ‘e rrote: 30 – 52 – 88; e me spieco: 30 so’ <strong><em> ‘e ppalle d’’o tenente</em></strong> e ciovè ‘e munizzione d’ ‘o cannone ‘e cumpetenza d’ ‘o tenente, ma pe paraustiello divertente songo pure <em>‘e testicule </em> ca(penzate,pe sbaglio a ppalla) songo assumigliate a ‘e ppalle d’ ‘o cannone; dint’ô terno mio 30 è Andrea ‘o nomme ‘e Iniesta chillo ca à deciso ‘o mundiale; 52 è ‘a mamma , ma è pure e cca ‘o purpo e 88 so’ ‘e casecavalle, ll’ammusciature, ma pure e cca ‘o pallone! I’ spero ca cu ‘stu terno nce piglio e si ce piglio, arricurdateve ‘e me! Raffaele Brak
