Le pagelle in lingua. Mertens se muvette ‘ncopp’â linia uffenziva d’’o Ciuccio cumme a ‘na zoccola cu ‘o ppepe ‘nculo facenno disperà â trasera jummerdina
Che peccato guagliú! ‘Sta caracuddamma (stagione calcistica ) c’êssemo putute levà ‘o sfizzio ‘e vattere ddoje vote ‘a vecchia zoccola: ô Maradona i â casa soja e ‘mmece ajeressera c’êttem’’a cuntentà ‘e ‘nu russimmo (pareggio) p’uno a uno, acqua ca nun leva sete….E ddicere ca ô 23’ Ciruzzo mettenno a ffrutto ‘na bbella palla ‘e Politano nc’êva purtate ‘nventajo (in vantaggio) e c’êssemo pututo purtà â casa tre ppunte cauzante si ô 54’ Lobotka nunn’êsse spurcato ‘nu tiro da luntano ‘e Chiesa spiazzanno ô purtiere nuosto ca êsse pututo fermà ‘o tiro ‘e ll’jummerdino. Pacienza, se vede ca nunn’era destino…Tutto chesto pe nun parlà ‘e ll’ucummo (arbitro) Sozza [4 e ppo ve dico] ca ce ajutaje a pperdere ‘e tre ppunte.
Passammo ê ppaggelle:
OSPINA[Ecchesepastacrisciuta] 6,5. Nun putette fa niente ‘ncopp’ô stuco (gol) jummerdino datose ca ‘o tiro ‘e Chiesa fove spurcato da Lobotka ca ‘o spiazzaje; p’’o riesto sempe attiento, priciso e muaddeddo (puntuale).
DI LORENZO 7 N’ardammo (pilastro) d’’a scuatra cuana (partenopea); se facette apprezzà cu ‘nu paro ‘e bboni catàre (diagonali) difenzive e cquacche nchiusura pricisa.
RRAHMANI 6,5 Se muvette a mmestiere ‘nchietta cu cu Juan Jesus, urganizzanno ‘a trasera (difesa) d’’o Ciuccio.
JESUS 6,5 ‘Na certezza oramaje asasa (soprattutto quanno ‘e sibbacche (match) contano; pe nuvanta e cchiú minute stette cu ll’uocchie apierte senza farese surprennere.
GHOULAM 6 Se vedette cchiú arreto [mettenno ‘a musarola a Ccuadrado], ca annante.
LOBOTKA 6,5 Miezu zifo (voto) mancante pe bbia ca spiazzaje a ll’Ecchesepastacrisciuta spurcanno ‘o tiro ‘e Chiesa; ma p’’o riesto tantu lignammo lla ‘mmiezo, tanta attenziona e ttanti asciute cu ppalle pulite e pricise.[Dal 92’ ZANOLI – sz.]
DEMME 6 ‘Na vera aculla (diga) ‘nnant’â trasera (difesa), attappanno e custruenno; certo meno priciso d’’o cumpagno ‘e sezziona(reparto), ma ‘a sustanza è fove ‘a soccia: asciute e pulezzia. Applavuse.
POLITANO 6 Calaje paricchio a ll’arrancua (nella ripresa), ma partette cu ‘nu primmo ajone assaje ‘nteressante. [Dô 76’ ELMAS [‘O Turco] – sz.]
ZIELINSKI 5,5 Miezu zifo (voto) mancante pecché facette overamente poco cu ssulo quacche ttiro ‘a fora ca nun cuntajeno niente.
INSIGNE 6 Nun lassaje ‘o singo, né, pe ttutto ‘o sibbacco (match) riuscette a ‘mpressiunà cchiú d’ate.
MERTENS[Ciruzzo] 7 Ommo-mubbara (uomo-partita) se muvette ‘ncopp’â linia uffenziva d’’o Ciuccio cumme a ‘na zoccola cu ‘o ppepe ‘nculo facenno disperà â trasera jummerdina e sfruttaje a mmestiere ll’accasione ca Politano lle furnette. [Da ll’88’ PETAGNA – sz.]
all. DOMENICHINI 6,5 (vice Spalletti) êtte ‘a frijere ‘o pesce cu ll’acqua, ma dimustraje ‘e sapé chello ca vuleva priparanno una d’’e fullé (gare) cchiú ‘mpurtante d’’a caracuddamma (stagione calcistica) e ne cacciaje ‘nu punto addó puteveno pure essere tre!
arb. SOZZA 4 e che v’’o ddico a ffà? Facette annore ô nomme suĵo ‘nchiudenno ll’uocchie ‘ncopp’a pparicchi fetenzie d’’e lucale e gghiette a ffení ca ô Napule mancaje ‘nu ricore a ffavore quanno Di Lorenzo fove aizato ‘a terra dint’â muntaca jummerdina da Kulusevski, mentre ll’uno a uno venette doppo ‘nu carí janco e nniro nun siscato.
E bbasta accuss, meglio ‘nu russimmo (pareggio)í ca ‘nu caucio dint’ê rine. Jammo ‘nnante e ssi ‘o Cielo ‘o ccunzente ce sentimmo llunnerí ca vene pe ccuntareve che facimmo dummeneca ô Maradona contr’â Sampdoria. Staveti bbe’ R. Bacale Brak
