Tanti complimenti a Petagna ca facette a spurtellate facennose rispettà, servenno ê cumpagne palle ‘mmitante cumme a cchella ca dette a Llozano
Nun credite a cchi ve dice ‘o ccuntrario guagliú! Ajeressera nisciuno ce rialaje niente! I aVvarzavia contro ê lucale ‘o Ciuccio affuzzaje (vines) i ‘o ffacette largo pecché s’’o mmeretaje, nce credette e dimustraje ‘e tené n’asasia macizza (struttura solida)capace d’asponerse (esprimersi) a cciammiello pure facenno a mmeno ‘e ggente ‘mpurtante tipo Anemalonga, Insigne,Caromecosta,e Mmario Rui, pe nnun parlà d’’o Tignuto i ‘e Chitelassa. Pirciò nun credite a cchi ve dice ‘o ccuntrario; n’atalossa (prestazione) ‘e sustanza d’’o Ciuccio nce fove e ppure quanno ‘o Napule stette ‘nsotto ‘e n’addaffa (di una rete), ‘e cuane (partenopei) cummannajeno ‘o juoco aspunennose (esprimendosi) cu cqualità, crianno tante accasione e doppo ô primo ajone (il primo tempo) cu dduje sacrusante ricure [51’ cu Zielinski e 74’ cu Ciruzzo ] riuscetteno apprimma a caputià ‘o natiggio (ribaltare il risultato) e ppo sbrasajeno cu Lozano[78’] e cu Ounas[90’] dimustranno d’essere ‘na scuatra ‘e carattere ca se mmeretaje d’affuzzà largo ‘ncasa d’’o Legia capacetanno (convincendo) pure ‘nnIuropa e piazzannose ‘ncimma ô jauallo (girone)suĵo. E pp’’o mumento nunn’è ppoco!
Passammo ê ppaggelle:
MERET [‘O Lungagnone] 3 – Praticamente nunn’ êtte ‘a fà niente pe ttutto ‘o sibbacco (match), ma chellu paro ‘e vote ch’êsse avut’’a fà coccosa, smarrunaje: ô 6’ se piazzaje malamente e pputette sulo recogliere ‘nfunn’â rezza ‘o pallone d’’o tiro d’ Emreli, cchiú ttarde, pe ffurtuna venette salvato dô palo.
DI LORENZO 6,5 Tuosto, facette capí quase subbeto ‘e qua’ pasta è ffatto jucanno cu ‘o curtiello ‘mmiez’ê diente!
RRAHMANI 6- Atalossa (prestazione)pusitiva pe cquase tutto ‘o sibbacco (match), ntartagliaje sulo ‘nnaccasione ‘e ll’addaffa (rete) pulacca. Peccato.
KOULIBALY[‘O Ggialante] 6,5 Ô ssolito mumazzo (ottimo) ‘nchiusura e cchiú ca priciso cu ‘e lanze ‘mprufunno p’’e nassie (attaccanti).
JESUS 6,5 Miso a mmancina ‘ncopp’â ferza se dette da fà anze fove isso a urtizzà (verticalizzare) bbuoni pallune p’’e cumpagne.
ZAMBO ANGUISSA[‘O ‘Ntussecuso] 6,5 Nun partette bbuono facennose cartià da Mladenovic(cio) ‘nnaccasione ‘e ll’azzione ‘e ll’addaffa (rete) pulacca. Po se scurciaje ‘e mmaneche , turnanno a essere ‘o jucatore ca sapimmo.
DEMME 6 ‘O pallone stette ô ssicuro ‘nfra ê piere suĵe Cummannaje ll’ajune (tempi) ‘e juoco facenno ggirà urdinatamente ‘a scuatra; jucaje ‘nu centenaro ‘e pallune cu cu ‘o pricisione ‘e ‘nu raggiuniere e s’’a ‘ntennette bbuono cu Anguissa [dô 65′ LOBOTKA 6 – Cuntinuaje a ffà senza smarrunà ‘a fatica d’’o cumpagno tuccanno tanti pallune muvennose ‘nfra ‘e ddoje trcquarte e tenenno corta ‘a scuatra. Bravo!]
LOZANO 6 Quanno puntaje ll’ommo fove cumpricato fermarlo, peccato ca cchiú ‘e ‘na vota nun ‘ncarraje ll’urdemu muvimento; icnè (comunque) ‘o stuco (gol) suĵo pure si facile facile fove mmeretato![da ll’83’ OUNAS 7 Signaje n’addaffa (rete) assaje bbella quase vulenno dicere a Spalletti e ccumpagne: Nun ve scurdate ca ce stongo pur’i’!]
ZIELINSKI 7 Se pigliaje ‘o Napule ‘ncopp’ê spalle e s’’o carriaje a ffà n’atalossa (prestazione) pusitiva; nun sempe fove priciso ma se facette vedé vicino a a Petagnone cercanno ‘e cupulià (duettare). Cugliette l’afachia ( traversa) ô primmo ajone (nel primo tempo), ma all’arrancua (ripresa) jette a ttirà ‘o ricore ‘e ll’uno a uno i ‘o ffacette a mmestiere.[dô 73’ MERTENS[Ciruzzo] 7.5: Nun facette a ttiempo a ttrasí ca s’êtte appresentà a ttirà ‘o siconne ricore ca ‘o Ciuccio s’abbuscaje e ‘o signaje cu ‘nu miezu cucchiaro sfezziuso mettenno dinto ll’addaffa (rete) nummero 136 cu ‘a maglia luvarda (azzurra); cumme si nunn’avastasse fove soja chella palla giniale pe Ppetagnone ‘nnaccasione d’’o 3-1; Ciruzzo sta turnanno!].
ELMAS[‘O Turco] 5,5 Se magnaje ‘nu stuco (gol), sulo ‘nnante ô purtiere e ffove sempe troppo poco priciso, però servette ‘a palla justa a Zielinski ‘nnaccosione d’’o primmo ricore. [dô 65′ POLITANO 6 Purtaje cegna (grinta) e ppericulosità e ss’abbuscaje ‘o ricore d’’o doje a uno.Bravo!]
PETAGNA 7 Tanti cumprimente ô nassío nuosto ca facette a spurtellate cu ‘e marcazzie avverzarie (con i centrali avversari), facennose rispettà, servenno ê cumpagne palle ‘mmitante cumme a cchella ca dette a Llozano ô 78’ [da ll’83’ ZANOLI s.z.).
all. SPALLETTI 7 Facette capí ê suoje ca pure doppo ‘nu sciuliamazzo ce se po’ aizà, cumattere e affuzzà (vincere) cumme succedette ajere ca ‘o Ciuccio riusce a annurà (oniorare) pure ‘a cuppetta iurupea. Peccato, ca p’accuntentà ô presirente, s’è ‘nfessuto a ddà spazzio ô Lungagnone, cosa ca ce cundanna a ppiglià allimmeno n’addaffa (rete)!
arb.: VISSER 5 Facette quase tutto ‘o duvere suojo-
Emmo bbasta accussí e ssi ‘o Cielo ‘o vvo’ ce sentimmo llunnerí pe ccuntareve che succere ‘ncampiunato ô Maradona dummeneca ‘mmerz’ê sseje contr’ê pariente ‘e chella zoccola ‘e Giulietta. Facimmo corne dicenno: ‘e cchiú,‘e cchiú,‘e cchiú Ciuccio fa’ tu! Staveti bbe’.
