Le pagelle in napoletano di Napoli-Lazio: Mertene è ‘na certezza, faticaje assaje p’’a scuatra. Manolas nun riuscette a ffermà Immobile
NAPOLI – LAZIO (1.8.20) 3 A 1 ‘A VEDETTE ACCUSSÍ
Tutto a pposto guagliú! Ajeressera ô san Paolo contro a cchilli pappavalle d’’a scuatra ‘e Inzaghi se cunchiudette ‘stu campiunato pazzuotteco ca nun ce à ditto niente ‘e nuovo e nce à cunfermato ca chi tene cchiú porvera spara e ll’ate sentono ‘e bbòtte! ‘E bbuono sulo ca ajeressera ‘o Napule affuzzaje (vinse) levannose ‘a faccia ‘e pacchere pigliate a ll’addabba (andata) a Rroma quanno ‘a Lazzio s’arrubbaje ‘e tre ppunte dint’a ll’urdemi minute cu Immobile ca levaje palla a Ppastacrisciuta cu ‘nu carí (fallo) mettennola dinto senza ca ll’ucummo (arbitro) dicesse niente!
Chella d’ajere fove pure ‘a mubbara (partita) ‘e uadajanno (addio) ‘e Peppe ‘a ‘nguenta ca pe ll’accasione fove capitano accussí cumme vuletteno ‘e cumpagne e cce levajemo ‘o sfizzio ‘e jucà ‘o primmo pallone, cosa ca cu Insigne nun c’è mmaje stato pussibbile. E mmece conta assaje tant’è overo ca s’affuzzaje (vinse)! ‘E ccose se mettetteno bbone ggià ‘mpartenza e ô 9’ Anemalonga ce purtaje ‘nventajo (in vantaggio), ma po accuminciajemo a ffà cchiú ‘e ‘na fessaria scema senza essere capace ‘e zarribbuà (palleggiare) a mmestiere e ssulo doppo ca ô 22’ Immobile [ca Cchitelassa se perdette] russimaje (pareggiò) ‘e nuoste turnajeno a ttruvà carattere, azzaja (impegno) e ccegna (grinta) e se mettetteno dint’â sacca ‘e tre ppunte, tutto summato cercate e mmeretate cu ttutto ca chillo d’ajere fove n’ atu sibbacco (match) priparatorio d’’a tarra (sfida) ‘e sapato ca vene cu ‘o Barcellona.
Passammo ê ppaggelle :
OSPINA[Pastacrisciuta] 6 êtt’’âscí ‘nu paro ‘e vote sulamente e pp’’o riesto ‘a Lazzio nun lle dette prubbleme; ‘ncopp’a ll’addaffa (rete) ‘e Immobile nun tenette itimme (responsabilità).
DI LORENZO 6 Atalossa (prestazione) pusitiva ‘ntrancara (in difesa) o accumpagnanno ll’azziona.
MANOLAS[Chitelassa] 5,5 Me dispiace ma ll’aggi’’a levà miezu zifo (voto) pecché nun riuscette a ffermà Immobile ‘nnaccasiona ‘e ll’addaffa (rete) lazziale. Però ‘ntribbuna-divano fovemo cuntento ‘e vederlo ‘ncampo.
KOULIBALY[‘O Ggialante] 6 Atalossa (prestazione) pusitiva d’’o Ggialante cu ‘nu paro ‘e sfregazze (sbavature) ca lle custajeno ‘o cartellino jalizzo (giallo).
Mario RUI 6,5 Tutto summato ‘o meglio d’’a sezziona (reparto) asasa (soprattutto) quanno scennette annante sfresanno (sfiorando) pure ‘o stuco (gol). [Dô 78’ GHOULAM 6 ‘e stima.]
RUIZ[Anemalonga] 6,5 E fforze è ppoco: n’addaffa (rete) ‘mpurtante, ‘nu paro d’accasione criate e nnun sfruttate e quacche mmimmadda (verticalizzazione). Atalossa (prestazione) cchiú ca pusitiva.
LOBOTKA 6 Forze êsse pututo fa ‘e cchiú, ma fessarie nun ne facette, tenenno bbòtta! [Dô 78’ DEMME 6 ‘e stima.
ZIELINSKI 5,5 Me dispiace ma levà miezu zifo (voto) pecché êsse pututo fa ‘e cchiú asasa (soprattutto) ‘ncamma uffenziva (in zona offensiva). [Da ll’85’ POLITANO 6,5 Prumosso! Trasette e ppoco doppo mettette ‘a firma sott’ô tre a uno cu freddezza e ppricisine.
CALLEJON[Peppe ‘a ‘nguenta] 6 348 mubbare (partite) cu ‘a maglia luvarda (azzurra) ca però nun fove una d’’e mmeglie; ma nun ‘o faccio piglià collera e lle mecco ‘o seje pecché s’affuzzaje (vinse), pure cu isso! [Dô 78’ LOZANO 6 ‘e stima.
MERTENS[Ciruzzo] 7 ‘Na certezza, faticaje assaje p’’a scuatra, s’abbuscaje ‘o ricore d’’o doje a uno e rijalaje a Ppolitano ‘nu missiddo (assist) a zzuco ‘e caramella Ha lavorato tanto per la squadra, conquistandosi il rigore e regalando il delizioso assist per la firma finale di Politano. Una certezza.
Lorenzo INSIGNE 6 L’êsse avut’’a mettere miezu zifo (voto) mancante pe bbia ca se magnaje ‘o doje a zzero cu ‘a porta spalancata, chiammannose ‘e trapassate dâ tribbuna-divano, ma po se dètte da fà annante i arreto nsi’ a cquanno avette ascí chiagnenno pe nun saccio qua’ ‘mpiccio adilaro (muscolare). Sperammo ca se repiglia pe ssapato ca vene. [Da ll’84’ ELMAS[‘O Turco] 6m ‘e stima]
all. GATTUSO 6 Pure si ‘a scuatra nun fove assaje lammaja (brillante) cumme ati vvote s’affuzzaje (si vinse) e cchesto conta; rummane sulo da sistimà quacche meccanisemo difenzivo e sse po’ fa!
Arb. CALVARESE 6 Facette ‘o duvere suĵo.
E bbasta accussí. Mo si ‘o Cielo ‘o vvo’ ce sentimmo dummeneca ca vene pe ccuntareve che facimmo sapato a Bbarcellona contr’ê lucale. Speranze nun ne tengo, ma ‘o pallone è ttunno! Staveti bbe’.
