ilNapolista

Ospina me dètte ‘a sensazziona ‘e nun ce stà cu ‘a capa

Ecchest’è! Jette cumme jette e ppacienza. Mo si ‘o Cielo ‘o vvo’ ce sentimmo a ssettembre nun saccio pecché e ppe ccomme. staveti bbe’

Ospina me dètte ‘a sensazziona ‘e nun ce stà cu ‘a capa

BARCELLONA -NAPOLI ‘A VEDETTE ACCUSSÍ

Niente da fà guagliú! Ajeressera a Bbarcellona nun succedette ‘o miraculo i ‘o scontro cu ‘e lucale fenette cumme s’aspettaveno ‘e catalane cu ‘o Napule ca s’ arrennette a n’ avverzario cchiú fforte pure acciaccato e nce n’ascettemo dâ ciampionsa lassanno via libbera ô Bbarcellona ca fove ajutato ‘ncopp’â scesa da ll’ucummo (arbitro) turco ca [fauzarianno tutto ‘o sibbacco (match)] doppo appena diece minute artaccaje (convalidò) n’addaffa (rete) abbusiva (irregolare) ‘e Lenglet(te) ca, primma ‘e trasí ‘e cabbesera (di colpire di testa) se facette largo cu ‘nu sbuttulone fremmo a Ddemme ca cadenno se carriaje ‘nterra ô Ggialante ‘mpedecannolo (impedendogli)’e fà coccosa; ‘nsomma ‘na facenna scannalosa ca ce custaje cara i amara: ‘a scuatra nosta, ca p’’a verità êva accumminciato bbuono, capette ch’aria tirava e ca nnunn’era cosa vemnette meno dint’ê mmecce, se squagliaje i ô 23’ angappaje ‘a siconna addaffa (rete) chella ‘e Messi ca nce mettette ‘a jonta ô 46’ cunquistanno ‘nu ricore ca Suarez(zo) mettette dinto p’’o tre a zzero e ssulo ô mustalà (termine) d’’o primmo ajone (tempo) Insigne riuscette a ssignà ‘ncopp’a ‘nu ricore assignato a Cciruzzo arrunzato dint’â muntaca (area di rigore) catalana A ll’arrancua (nella ripresa) ‘o Napoli ce pruvaje, ma ne cacciaje a ll’80’ sulo n’addaffa (rete) ‘e sant’Arcadio trasuto ô 79’, addaffa ca però ll’ucummo annullaje pecché ‘o pulacco teneva ll’ógne ‘e ‘nu pere ‘nnattasallulo (in fuori gioco); p’’o riesto nun ce fove storia pecché ‘o Bbarcellona annascunnette ‘o pallone tenenno d’uocchio ‘o crunometro. E cce ne turnajemo cu ‘na vranca ‘e mosche ‘mmano. Nun ne valesse ‘a pena, ma cheste so’ ‘e ppaggelle:

OSPINA[Pastacrisciuta]: 5 Me dètte ‘a sensazziona ‘e nun ce stà cu ‘a capa: ‘ncopp’â primma addaffa abbusiva (rete irregolare) nun ce putette fa niente, ‘ncopp’ô tiro ‘e Messi partette tarde e sse facette spiazzà dô ricore ‘e Suarez(zo).

DI LORENZO: 5,5 Poco priciso e ssulo quanno trasette Politano se facette vedé annante, ma durante ô primmo ajone (primo tempo) nun se ‘ntennette cu Ppeppe ‘a ‘nguenta.

MANOLAS[Chitelassa]: 5,5. Troppi sfregazze (sbavature) E ppoca cullabburazziona cu ‘o Ggialante.

KOULIBALY[‘O Ggialante]: 4 Atalossa (prestazione) da scurdà!Me chiagne ‘o core, ma ajeressera me facette cadé ‘e bbraccia ‘a cuollo.Messi ‘o facette a ffellocce cumme e cquanno vulette cartiannolo e nzallanennolo. Quase certamente ce lassa i ‘o ffà malamente.

MARIO RUI: 5,5 Pure isso facette quacche fessaria, ‘e bbuono quacche jabbro (cross) priciso. Poca rrobba.
FABIAN: 5,5 Durante ô primmo ajone (nel primo tempo) nun ufferette né ccegna (grinta) dint’ô stibbacco (scontro) né cqualità quanno scennette annante; ‘nu poco meglio a ll’arrancua (nella ripresa), ma nun arrivajeno maje ‘o tiro ‘mporta i ‘a cagliosa ‘e pricisiona. [Dô 79′ ELMAS[‘O Turco]: 6 Jucaje cu pperzunalità.Se facette apprezzà ricuperanno e ffacenno bbuoni pasiglie (passaggi). Po’ addivintà ‘nu punto fremmo.]

DEMME: 6- Accumminciaje bbuono tenenno auta ‘a scuatra e appressuranno (spingendo) Po’ arrivaje ll’uno a zzero abbusivo (irregolare) d’’o Bbarcellona ca ucummo e VARRA nunn annullajeno i ‘o guaglione se smuntaje e nnun ce credette cchiú. Peccato. Ascette a ll’arrancua pe ‘nu ‘mpiccio ô purpone. [Dô 45′ LOBOTKA: 6,5. Atalossa (prestazione)suddisfacente facenno ‘o culaturo (filtro) quanno ‘o Bbarcellona se nchiudette a ddifennere ‘o tre a uno facenno passà ‘e minute. [Dô 70′ LOZANO: 6 Trasette i ‘o Napule addeventaje cchiú bbattagliero: sprecaje n’accasiona ‘e capa, po cugliette ‘nu palo ma tutto summato a vvinte minute dô mustalà (termine) poco ato se puteva fa.]

CALLEJON[Peppe ‘a ‘nguenta]: 5. Facette sulo ll’urdinario e fforze pure cchiú ppoco, n’addio overamente brutto! [Dô 70′ POLITANO: 6,5 Forze Gattuso êsse fatto meglio a ffarelo trasí primma visto ca fove ll’unico capace ‘e preoccupà ‘e catalane e ccullabburà cu Di Lorenzo.]

MERTENS[Ciruzzo]: 6 Poco mancaje e appena accumminciato nce steva pe rijalà ‘na priezza; po pruvaje a ccosere ‘o juoco pure nchiuso dint’â morza d’’a trasera (difesa) d’’e lucale; se prucuraje ‘o ricore e se smarcaje cchiú ‘e ‘na vota, ma è troppo piccerillo pe ccierti sibbacche(match) jasadde (fisici).

INSIGNE: 6,5. Atalossa (prestazione) curaggiosa; scennette ‘ncampo strignenno ‘e diente e ddimustranno granne attaccamento ê culure; signaje ‘o ricore senza farese ‘mpressiunà dô purtiere [dô 79′ MILIK[Sant’Arcadio: 6. Se dette da fà sapenno ca ‘a vetrina è ‘mpurtante assaje signanno pure ‘e capa, ma – cumme v’aggiu ditto – fenette cu ll’ógne d’’e piere ‘nnattasallulo (in fuorigioco) e ll’ucummo ce ll’annullaje. Peccato ca perdimmo pure a isso!]

All.GATTUSO: 6. Vuleva nu sibbacco (match) a ffaccia aperta e pp’’e primme minute ll’avette po succedette ‘a menesta mmaretata ‘e ll’uno a zzero i ‘a scuatra se sciugliette. Cumme ggià se sapeva nun era facile, ma ‘a scuatra d’’o calavrese dimustraje ca cu cquacche bbona zeppa adatta dô mercato po’ tturnà a ddicere ‘a soja pure ‘nnaiuropa.
arb.: CAKIR 3 e ll’aggiu trattato a ‘stu turco ca fove prutacunista ‘e ‘na ‘nderezzatezza (direzione di gara) scannalosa,temmerosa (vergognosa).

Ecchest’è! Jette cumme jette e ppacienza. Mo si ‘o Cielo ‘o vvo’ ce sentimmo a ssettembre nun saccio pecché e ppe ccomme. staveti bbe’

 

ilnapolista © riproduzione riservata