Cannavaro ha firmato?
Io spero e no

Aggiu liggiuto ca Paolo Cannavaro s’è accurdato cu ‘o presidente DeLa e à firmato ‘nu cuntratto a 1500 – 2000 evere ô mese pecché ‘e sorde guadagnate dô frato Fabbio e da isso stesso abbastano e superchiano   p’ ‘e fà  vivere cchiú ca  dignitosamente a lloro e ê ffamiglie lloro pe paricchi vvite. Ll’ aggente ‘e Cannavaro, ‘nu certo  Fedele, s’è ffatto ‘e croce a mmana smerza e à ditto ca ‘o guaglione à perzo ‘e cerevelle! I’ nun saccio si ‘a nutizzia è overa o no, ma i’ spero ca se tratta ‘e ‘na puttanata! Paolo Cannavaro non po’ continuà a gghiucà a ppallone  cu ‘a  la maglia d’ ‘o  Napule: è uno ca nun sape manco comme è ffatto ‘o pallone; se ne jesse, ‘nzieme ô frato a gghiucà cu ‘e beduine d’ ‘o deserto o se ne jesse a ffà ‘o battilamiere ca chillo è ‘o mestiere sujo e ce facesse stà cuïete; comme pure ce facessero stà cuïete Blasi (ca se n’ avesse ‘a  jí a ffà ‘o guaglione ‘e chianchiere pe sfascià ‘a carne o fà ‘e sacicce a pponta ‘e curtiello)e ‘o matarazzo ‘e ziccule Zalayeta (ca po’ truvà ‘nu buonu posto comme paracarro ‘ncopp’â via p’ Avellino!

Brak

ilnapolista © riproduzione riservata