Italia sparagnina
Lippi stai frisco!

 primma entratura, guardateve ‘e ssacche!Ma i’ so’ cunvinto ca Lippi nun ‘o po’ capí e nun ‘o ccapisce maje ca chell’ Italietta d’ajeressera: juventina, catenacciara, truffaldina,’mbrugliona, viulenta, simulatrice e fallosa nun po’ gghí luntano!… Ajere, sí è riuscita a s’ arrubbà ‘nu pareggio sfruttanno ‘na papera d’ ‘o purtiere paraguajano…, ma nun pè ddetto ca tutt’ ‘e purtiere fanno o ànn’ ‘a fà papere p’ajutà ll’Italia ‘e Lippi…. E chillu ‘mbruglione ‘e Iaquinta ave voglia ‘e se menà ‘nterra: è ccarta cunusciuta e nisciuno arbitro ce cade cchiú! E so’ cunvinto ca Lippi nun ‘o po’ capí e nun ‘o ccapisce maje ca Marchisio e Montolivo so’ ddoje autentiche nullità capace sí e nno ‘e aizà póvera ‘mmiez’ô campo addirittura sott’ ô patapato ‘e ll’acqua!Si Lippi se penza ‘e véncere n’atu mundiale cu ll’ elementi ca s’à purtato appriesso e cu ‘nu juoco sparagnino…(ànno tirato ‘mporta sí e nno tre vvote…) sta frisco! Forza Argentina