Criscito pe Cannavaro
Fosse ‘o Cielo

M’è arrivata ‘a nutizzia ca Bigon stesse trattanno a  Criscito da ‘o Genoa a ccagno ‘e ‘na cosa ‘e sorde e de Paolo Cannavaro. Fosse ‘o Cielo e succedesse overamente pecché pe ccerto Criscito è mmeglio ‘e Paolo Cannavaro ca accussí finalmente se ne jesse,ce ‘o levassemo ‘a ‘nante ê piede e se ne jesse ma no a gghiucà cu ‘o Genoa ma  a ffaticà dint’ â fabbrica ‘e Preziosi  addó ‘o mettesero a ‘ncartà ‘e ppazzielle. Ll’unicu difetto ca tène Criscito è ca pe n’anno (2007-2008 )à jucato cu ‘a juventùs e s’è ‘nu poco allurdato;  pe furtuna po cumunque, jucanno pe dduje anne  cu ‘o Genoa s’è pulezzato e mmo è ccomme si fosse nuovo… e ppo è de Cercola pe ccuje fosse bbuono p’ ‘o Napule ca me piacesse a mme: tutte napulitane (si nun so’proprio  scadente comme a Ccannavaro…) cchiú quacche tedesco, quacche argentino e quacche spagnuolo!

ilnapolista © riproduzione riservata