E sorde? È facile truvarle: se venne Hamsik (35 milioni), se regala a ‘na squatra ‘e serie C o ‘e promozzione Cannavaro (sparagnammo e cumparimmo…) e se vennono Gargano e Maggio (10/12 milioni)
Amice me scusate se m’avvio pe ttiempo e ddico mo siconno me qua’ songo ‘e jucature ca ‘o Napule avesse ‘a accattà pe ll’anne ca vène e qua’ fossero chille ca s’avesse ‘a levà definitivamente.
Accumminciammo a ddicere ca, pe comme ‘a veco io, ‘a campagna ‘e accattà e vvennere dipennarrà assaje da ‘o piazzamento d’ ‘o Napule â fine ‘e ‘stu campiunato! Saccio ca ‘a suggità sta facenno paricchie sundaggi, ma penzo ca mo comme a mmo nun se po’ dicere niente ‘e priciso…
Nun ce scurdammo po ca ce stanno ‘e mundiale africane e pirciò ‘a maggior parte ‘e ll’affare cchiú ‘mpurtante se farranno sulo doppo ca è ffernuto ‘o turneo!
Pe mmo, sia ca ‘o Napule s’à dda accuntentà ‘e ll’ Uefa, sia ca riuscesse a ffà ‘o miraculo ‘e jí a ffà ‘a Champions…, ce vonno assolutamente otto jucature ma ‘e chille ‘mpurtante e pe ffà ‘e nomme chiarisco subbeto: (Kolarov e Ruiz in difesa, Inler, Palombo Ederson e Borowski ‘mmiezo e Balotelli e Klose annante!
‘A squatra ca me sonno è chesta cca: (3 –4-2-1):
De Sanctis;
Campagnaro, Ruiz, Kolarov;
Inler, Palombo, Ederson, Cigarini;
Klose, Lavezzi;
Balotelli.
A disp.: Iezzo, Grava, Santacroce, Aronica, Rinaudo, Dossena, Datolo, Bogliacino, Gargano, Borowski, Pazienza, Zuniga, Calaiò, e Quagliarella e tutte ‘o riesto, via!
‘E sorde? È facile truvarle: se venne Hamsik (35 milioni), se regala a ‘na squatra ‘e serie C o ‘e promozzione Cannavaro (sparagnammo e cumparimmo…) e se vennono Gargano e Maggio (10/12 milioni), Denis (a ‘o Livorno pe 5 miliune) Blasi, Rullo, Hoffer (se scagnano â pari cu quacche bbuonu ggiuvinotto…). ‘Nzomma cu 52 meliune, cchiú 25/30meliune ca putesse mettere a disposizzione ‘a suggità avessemo overamente finalmente ‘nu squadrone!!!
Primma ‘e salutarve, pe chi nun ‘e cunuscesse ve dico chi songo ‘e jucature ca me piacessero a mme:
KOLAROV (1985) difensore auto 187 cm. tène ‘o tiro putente e priciso.
RUIZ (1989) putente difensore auto 185 cm. fortissimo ‘e capa.
INLER (1984) auto 183 cm. putente centrocampista 183
PALOMBO (1981) auto 177 cm. putente centrocampista dal ca tène ‘o tiro priciso e viulento.
EDERSON (1986) auto 181 cm. centrocampista tecnico e ttuosto.
BALOTELLI (1990) auto 189 cm. tecnico estroso attaccante bravo ‘e piede e ‘e capa
KLOSE (1978) putente attaccante ‘e 182cm. cu ‘nu tiro ca nun perdona.
BOROWSKY (1980) ‘nu culosso auto 194 cm. tecnico e ttuosto centrocampista cu ‘nu tiro ca sfonna ‘e rrezze e spezza ‘e pale!
Che ne penzate?
