di - NAPOLI –ATLETICO BILBAO prevío d’annata (19/8/14) 1 -1 – ‘A VEDETTE ACCUSSÍ Finalmente ajeressera ce fovemo: s’accumminciaje a ffà seriamente cu ‘o fullé (match) d’annata ‘e prevío (preliminare) ‘e Ciampionsa e i’ me facette ‘a primma meza ‘ntussecata d’‘a tempurata (stagione) e ddico meza pecché fenette cu ‘nu pareggio e nno cu ‘na scunfitta ch’êsse […]
di - NAPOLI PARIS SAINT GERMAIN 1-2 amichevole (11/8/14) E accussí ajeressera ô san Paolo atu scicco fullè ammestuso (lussuoso match amichevole), ‘sta vota ‘nfra ‘o Napule e ‘oParis Saint Germain , fullè ca però fenette cu ‘a primma scunfitta cuana d’’a tempurata (stagione) currente, ma cunzentette a don Rafele ‘e fà ‘a prova ggenerale p’’o fullè d’annata […]
di - NAPOLI –PAÒKKO SALONICCO amichevole (02/8/14) 2-0 ‘Nzomma, ajeressera ô san Paolo, dint’â serata dedicata a Ciro Esposito, ‘o tifoso muorto poco cchiú ‘e ‘nu mese fa, ricurdato poco prima d’’o fullè (macht), dô presidente Aurelio De Laurentiis ca tenenno pe mmano ‘a mamma d’ ‘o guaglione, Antonella – parola pe pparola – dichiaraje: ”Antonella è […]
di - N’atu bbuco dint’a ll’acqua guagliú! N’atu scunzulato zzero a zzero ajeressera a mMilano contro a ll’Intèrre ‘e wallerettino erode mazzarri. N’atu bbuco dint’a ll’acqua addó cu ‘nu poco ‘e bbona sciorta e nu poco cchiú ‘e pricisione e ccuncentrazzione mentale sotto porta s’êsse pututo vencere… E ‘mmece ‘o Napule nun ne fove capace e s’êtt’’a […]
di - È ‘na jastemma menata, guagliú E nce à cuóvete!N’ata delusione guagliú ajere a Udine… Me penzavo ca ‘e guagliune cuane fosseno jute a vvencere facennoce fà ‘na bbona Pasca e facennoce scurdà quacche amarezza ‘e campiunato e d’ E/L …. e ‘mmece chi t’ ‘o ddà, chi t’ ‘o ddà! Ajere ‘ncopp’â rota d’Udine ascette […]
di - Beneditte santu Mertènso e ssantu Pipita ca ajere all’ora d’’a tiella ce detteno ‘a suddisfazziona ‘e mannarne mazziate â casa lloro a rReja, a lLotito e ô pappavallo lloro e ce facetteno passà ‘na bbona dummeneca d’’e pParme â faccia ‘e chi ce vo’ male e soprattutto d’’e rumanise ca, pe pparta lloro, sàpato erano […]
di - E cche saciccio! I’ nun ce pozzo credere…. eppure fove accussí: ‘o Napule tra andata e rritorno rijalaje tutte ‘e sseje ‘e punte dispunibbile â scuatra ducale… Cose ‘e pazze! E cchi se ll’êsse aspettato ca ajeressera a pParma ‘o Ciuccio ll’êsse pigliate ‘ncopp’ê rrecchie? Doppo d’’a bbella nichessa (vittoria) ‘e sette juorne primma contr’â […]
di - Guagliú, ll’êvo ditto p’’e juorne passate a cchiú ‘e ‘nu cestariello ca me azzelliva ‘e ccarne cu ‘o fatto ca ‘o Napule [‘nserie A] nn’êva maje vinciuto ô Massimino, ll’êvo ditto ca ce sta sempe ‘na primma vota. E ‘a primma vota fove justo ajeressera quanno ‘e cuane scummajeno ‘e sanco ‘o Catania risulvenno ‘a […]
di - Sto’ ttroppo ‘ntussecato d’’a delusione avuta ajeressera soprattutto pecché pe n’ora bbona ‘o Napule êva miso ‘nsotto ‘a scuatra ‘e Montella nun riuscenno però a sfunnà ‘nu poco pecché ‘nu granne Neto cacciaje ‘a scienza fermanno pe ttre vvote ‘e tentative d’’o Pipita e de n’atu pare ‘e cuane, ‘nu poco pecché ‘ntribbuna vicino a […]
di - Niente ‘a fà, gugliú! Ajeressera ô san Paolo, ‘nnante a cinquantacinchemila tifuse, ‘o Napule nun riuscette a vvattere pe ddoje a zzero ‘o Porto e fenette cu ‘nu scunzulato pareggio pe ddoje a ddoje ca ce cacciaje fora da ll’E.L. facennoce mancà ‘o primmo tracuardo ‘e ‘sta tempurata (stagione) e llassannoce cu ‘o ttuosseco ‘mmocca […]
di - Missione cumpiuta guagliú a ‘nu minuto dô prazzo (dalla fine) e ttre punte dint’â sacca! Eppure ajeressera a tTorino, sponna granata, ‘o Napule scennette ‘ncampo cu n’interrogativo: qualu traguardo ‘nteressava ê ggiuvinotte ‘e don Rafele: ‘a speranza ‘e angappà ‘a Roma ô siconno posto ‘ncampiunato o ‘a nicessità ‘e spremmerse assaje giovedí ca vene pe […]
di - Nun ce ‘o mmeretajemo, ma ajeressera, mmerze ê ssette ‘o perdettemo ‘o fullé d’annata ‘e ll’ottave ‘e finale d’ E.L.; ‘o Napule cadette a Oporto (1-0) ma penzo ca è ancòra ‘ncorza p’ ‘e quarte ‘e finale e ttutto se decide ‘nfra sette juorne ô san Paolo comme ggià aveva ditto â viggilia don Rafele,quase […]
di - Tre ppunte acchiappate p’’e capille a nnove minute d’’o prazzo doppo ‘nu fullé affannuso e de sufferenza contro a ‘na scuatra ca, arricurdannose d’’e ttre sfugliatelle avute cu ‘o fullé ‘e coppa itaglia, ajeressera scennette addirittura cu sette centrocampiste pe nun farce jucà e ppe pparicchio accussí fove e ‘o Napule sufferette assaje soprattutto pecché […]
di - Oramaje s’è ccapito guagliù! È ‘na jastemma menata: ‘o Napule nun riesce cchiú a vvencere cu ‘e piccerelle e manco ajere, a ll’ora streveza d’’e ppastarelle, ciovè ‘mmerz’ê sseje e mmeze,a lLivorno ‘o Napule nun ce riuscette e s’êtt’ âccuntentà ‘e ‘nu punticciullo ca nun levaje sete e servette sulamente a mmantenerce a sseje punte […]
di - Tutto a pposto, guagliú! Dicimmo tutto a pposto, ma mo ve dico. Ajere ‘mmerz’ê ssette d’’a sera ô san Paolo se jucaje ‘o fullé ‘e ritorno d’’e sidicesime d’E.L. e i cuane, chiammate a vvencere, doppo d’’o bbruttu pareggio casalinco ‘ncampiunato cu ‘o gGenoa, facetteno chello ca s’êv’’a fà. ‘Nzomma se vincette e sse passaje […]
di - Nun ce simmo, nun ce simmo e nun ce simmo guagliú! N’atu bbuco dint’a ll’acqua ajeressera ô san Paolo; n’atu pareggio scatobbio e ppe gghionta ‘e ruotolo cu ‘na scuatra ‘e pellerine! N’ati dduje punte rijalate doppo chille umaggiate ‘ncasa nosta ô Sassuolo, a ll’Udinese, ô Chievo e ‘sta vota coceno ‘e cchiú dàtosi ca […]
di - Ajeressera guagliú granna nichessa (vittoria) napulitana ô san Paolo. ‘Mpurtante e cummincente nichessa cunquistata cu ttutto ca ‘ntribbuna vicino ô presidente ce steva chillu cestariello ‘e ggiggino-uocchie stuorte, ca però ajeressera nun ce putette! ‘O Napule vincette, cunzignaje tre bbabbà ô Milànno e nn’ ‘o mannaje â casa paccheriato e chiagnenno.Granna nichessa (vittoria) ch’ i’ […]
di - Sto’ smarrezzato (avvilito) guagliú! ‘Ncazzato e smarrezzato!E nun ce pozzo credere ca ajere ‘mmerz’ê ttre a bBergamo ce jette tutto stuorto.Tutto, ma proprio tutto! E cche saciccio! Ve cunfesso ca mm’ero frusciato ca ‘o Napule dâ partita d’ajere n’avesse recugliute tre ppunte mettennose a ddistanza ‘e sicurezza dâ Fiorentina scunfitta sàpato a cCagliari. I’ me […]
di - E cche saciccio, guagliú! N’atu pareggio scartellato! E cche saciccio! Doppo d’’e duje punte perze a bBulogna, n’ati dduje perdute… e ‘sta vota ‘ncasa!No cca ce sta quaccuno ca ce mena ‘a favetta e mm’immaggino chi è… Nun ce vo’ ‘a zingara p’andivinà ca o s’’o venneno, o ‘o rijalano,o ‘o jettano súbbeto oppure ‘sta […]
di - Ajere ‘mmerz’ê ttre che granna delusione, guagliú e cche nnervatura! ‘Na nichessa (vittoria) ggià surata e cunquistata fove jttata a mmare, justo ô nuvantesimo, dê guagliune ‘e don Rafèle ô Dall’Ara ‘e bBulogna addó ‘e cuane senza cazzimma nun foveno crestiane ‘e se llevà ‘e pacchere ‘a faccia avute dê murtadelle preturiane p’’o ppassato proprio […]