Napoli-Juventus, le pagelle in lingua: Diawara è uno dei migliori in campo, insieme ad Hamsik, Mertens e Koulibaly. Chiriches bocciato, Pavoletti inutile.
Napoli-Juventus 3-2, ‘a vedette accussì
Che peccato guagliú e cche ccollera! Cinquantamila e cchiú pperzone primma illuse e ppo deluse ajeressera ô san Paolo, addó pure ca ‘na vota tanto ‘o mellone ascette russo, nun servette a nniente, giacché è overo ca pe ggrazzia ‘e dDio, ‘e cuane vatteteno ‘a scuatra ‘e chillu nnacchennello d’allegri, ma ‘o ffacetteno pe tre a ddoje i ‘o risultato nun servette a cce assicurà ‘o passaggio ô finale d’’a coppa itaglia contro a cchille quatte profuche d’’a scuatra d’’o pappavallo ‘e lotito, dàtose ca – comme certamente v’arricurdate a tTurino ll’êvemo pigliato ‘ncopp’ê rrecchie pe ttre a uno! Nun ce vuleva, nun ce vuleva proprio ‘sta delusione, pecché doppo d’’o russimmo (pareggio) casalinco ‘e dummeneca passata contr’â vecchia zoccola ‘ncampiunato, ‘o Napule penzavo ch’avesse pututo fà ‘o miraculo e vencere pe ddoje a zzero… e ‘mmece,niente ‘a fa e cc’êttemo ‘a fà cchiú ddinto ‘e dint’ ô prozo, p’’a collera nosta e pp’’a ggioja ‘e chillu cestariello ‘e ggiggino uocchie-stuorte, ca pure ajeressera steva appustiato ‘ncopp’ê bbemate (spalti) a mmenà ‘a seccia . E cce cugliette, sí, purtroppo ce cugliette pecché pe vvencere, se vincette, ma ‘o risultato, comme v’aggiu ditto servette sulo a ddarece ‘a suddisfazziona ‘e vattere ‘a vecchia zoccola! Troppo poco!
Certo fósse juta ‘e n’ata manera si a pprincipio ‘e mubbara (partita) e pPeppe ‘a ‘nguenta nun avesse sciupato ‘na palla d’oro e ll’êsse fravecata ‘mporta ‘mmece ca ‘mmiez’ê piere ‘e Neto comme facette; comme perdettemo ll’accasiona nuje, ‘a vecchia zoccola aizaje ‘a capa e ô primmo cuntrattacco ca lle capitaje (32’) chella lota d’’o cainno (traditore) avette ll’aggio ‘e se ggirà e ‘a trenta metre ffottere a rReina, ca se menaje ‘nterra troppo tarde,dànnoce ‘o primmo dispiacere d’’a serata. I accussí fóvemo custrette a mmutaradà(inseguire) ‘o risultato e ssulo ô 53’ Marekiaro ce dette ‘a ggioja ‘e casticà a nNeto. Nun tutto era perzo, se puteva ancòra sperà…, ma chi t’’o ddà? Doppo cinche minute (58’) chella lota d’’o cainno (traditore), apprufittanno ca ‘o Vampiro ll’êva lassato franco e ssulo, dô lemmeto d’’a muntaca ce dètte ‘o siconno dispiacere d’’a serata futtenno, cu ‘na bbotta sott’ a ll’afachía (traversa), a rReina, ca ‘sta vota manco aizaje ‘e mmane pe ttentà coccosa! E cche saciccio! Punto i ‘a capo, êttem’’a a mmutaradà(inseguire) n’ata vota nsi’ ô 61’ quanno Ciruzzo, trasuto ‘a dudice siconne nun mettette dinto ‘a palla d’’o doje a ddoje e ddoppo seje minute (67’)Lorenzigno ‘nchiudette ‘a facenna ‘ncopp’ô tre a ddoje. V’aggiu ditto: Troppo poco p’assicurarce ‘a passaggio â finala ‘e coppa itaglia ca a ‘stu punto, a ccomme stanno ‘e ccose êsse pututo essere ll’ubbiettivo luvardo pe ‘sta tempurata fràcasa (stagione fallimentare). ! Passammo ê ppaggelle:
Reina 5 – Comme v’aggiu ditto ‘ncopp’â primma addaffa (rete) ‘e chella lota d’’o cainno (traditore) avette cchiú ‘e ‘na respunzabbilità, e ppure ‘ncopp’ô siconno êss’ avuto tentà coccosa e nnun ‘o ffacette; nun capisco pecché mmaje Sarri ‘o mettette ‘ncampo datose ca Pepe teneva ancòra quacche prubblema ô purpone i ‘o Prevetariello ‘a dummeneca primma nun’ è ca avesse jucato malamente; addó maje s’è vvisto ca ‘nu mutarribbo (allenatore) lassa decidere ô jucatore si vo’ e à dda jucà o no! Cose ‘e pazze!
Hysaj 5,5 – Miezu zifo (mancante) pecché si chillu caprone ‘e Sturaro nun riuscette a lle prucurà ‘mpicce, ‘o meza cucchiara arbanese quanno arrivaje a jabrà (crossare) fove troppo ‘mpriciso e nnun ne ‘ncarraje uno!
Chiriches 4 [‘o Vampiro] – Me dispiace, ma ; serata no, soprattutto cu ’o cainno (traditore) ca s’’o pazziaje comme vulette: nun riuscette a ccapí ‘e ‘ntenzione ‘e ll’argentino ‘nnaccasiona d’’a primma addaffa (rete), facennolo girà e ttirà; piezzo e ppejo ‘nnaccasiona d’’a siconna quanno addirittura ‘o lassaje sulo pe gghí cercanno accunte nun saccio addó. E cchesto pe nnun dicere ‘e ‘nu sciaricco (scellerato) pasiglio(passaggio) arreto ca pe ppoco rinconno nun facette addeventà stuco (gol).Quanto fósse stato meglio ca Sarri êsse fatto jucà a Albiol(lo) ca dummeneca passata êva miso ‘a musarola ô cainno (traditore).
Koulibaly 6,5 – Isso sí ca facette ‘na bbona atalossa (prestazione): sempe priciso e cuncentrato bluccaje a dDybala e redubblaje (raddoppiò) ‘ncuollo a cCuadrado.
Ghoulam 5 – ‘Nu zifo (voto) mancante pecché si appressuraje (spinse) a mmestiere, fove ‘ncopp’â curzia soja ca Cuadrado riuscette a sfunnà mettennolo ‘ndifficultà cu ‘a corza e ccu ‘e zzaiffe (finte) soje.
Zielinski 5,5 – Miezu zifo (voto) mancante pecché si cercaje sempe ‘e pruponerese e dde cagnà juoco chiammanno ‘e cumpagne ‘e ll’auta curzia, mantenennose a ccentro d’’o juco, nun dètte ‘na mana â trasera (difesa), né se appresentaje maje ô tiro. Forze fósse stato meglio ca Sarri êsse fatto jucà â bbelva [Rog]! (Dall’82’ Allan sv)
Diawara 6,5 – bBona atalossa (prestazione) d’’o guaglione ‘e culore ca jucaje a mmmemmoria cu pperzunalità; urtizzaje (verticalizzò) ppoco, ma facette juoco ‘e trancara (contenimento) fermanno cchiú ‘e ‘nu cuntrattacco jummerdino.
Hamsik 7 [Marekiaro] – Nun sulo sabbaje (trascinò) ricuperanno e llanzanno, ma signaje ancòra rimettennoce ‘ncorza; nun me spieco proprio pecché Sarri ‘o levaje! [Dô 76′ Pavoletti 5 -Inutile:sulo ‘na ggirata auta e tte saluto; p’’o riesto fove sempe stranio ô gioco ‘e Sarri aspettanno jabbre (cross) ca nun arrivajeno e ca pure si fósseno arrivate, isso nun avesse sfruttato!]
Callejon [Peppe ‘a ‘nguenta] 5 – ‘E bbuono sulo ll’jusaida (assist) p’’o stuco (gol) ‘e Lorenzigno; da curtellate ‘o ghierro (errore) sotto porta ‘ncopp’ô zzero a zzero; p’’o riesto povera e zzifere ‘e viento; sta jucanno ‘a troppu tiempo;Sarri êsse avuto tenerselo ‘mpanca facenno jucà Ciruzzo dô primmo minuto.
Milik [Arcadio] 6 – Atalossa (prestazione) pusitiva, nun signaje, ma facette chello ca puteva pruvannoce ‘e capa ‘ncopp’a ll’unicu jabbro (cross) ca ll’arrivaje; pe ttutto ‘o primmo ajone (primo tempo) po se dètte da fà facenno muvimento e spazzio p’’e cumpagne.
[Dô 61′ Mertens [Ciruzzo] 6,5 Trasette e ‘ncapo ‘e pochi siconne signaje ‘o doje a ddoje dimustrannose murtifero (letale) Peccato però ca po nun riuscette a ccumbinà ato. Certo si avesse jucato dô primmo minuto, ô posto ‘e Peppe ‘a ‘nguenta, ‘nchietta cu Arcadio fósse stata tutta n’ata musica! ]
Insigne [Lorenzigno ] 6,5 – Doppo d’avé miso ‘nsuggezziona a dDani Alvèsso pe bbona parte d’’o sibbacco (match), signaje ll’addaffa (rete) d’’a speranza e s’abbuscaje ‘a pagnotta.
all. Sarri 4 – E bbasta mo! Mo se nn’à dda jí! Ajere fallette pure ‘o passaggio â finala ‘e coppa itaglia ca a ‘stu punto, a ccomme stanno ‘e ccose êsse pututo essere ll’ubbiettivo luvardo pe ‘sta tempurata fràcasa (stagione fallimentare). Sbagliaje cumpletamente furmazziona mettenno ‘ncampo ggente stanca [Peppe ‘a ‘nguenta], facenno a mmeno dô primmo minuto ‘e Ciruzzo e d’’a bBelva [Rog] facenno jucà a z Zielinski, preferenno ‘o Vampiro a Albiòllo e rReina, ancòra miez’acciaccato, ô Prevetariellio, nè se capette pecché levaje dô campo a Marekiaro.
Arb. Banti i ‘a chenca soja (4 e ll’aggiu trattato!) – Vecchia carta canusciuta ajeressera nun se smentette cunfermannose chella granna lota ch’è, cchiú llota d’’e lote ‘e chella faccia ‘e cacchio d’allegri;lle mancaje ‘accasiona ‘e cuncedere ‘nu rigore â vecchia zoccola e nnun tenette ‘o curaggio ‘e mmentareselo i allora penzaje bbuono ermiannamente (scientificamente) ‘e nutizzià (ammonire) sulo a ll’jummerdine ca nun fósseno ggià nutizziate (ammoniti),sparagnanno cu ppricisiona, pe nnun ghittarle fora, ‘o siconno cartellino jalizzo (giallo) allimmeno ‘ int’a ccinche accasione e ttre sulo a cchillu cesso ‘e Sturaro! Po s’affenne s’uno ‘o chiamma granna lota!
E ffermammoce cca. Dammece n’atu pizzeco ‘ncopp’â panza e rrassignammoce: simmo nate pe sufferí e cce riuscimmo a mmaraviglia. E nnun putimmo manco sperà ca ll’anno ca vene cagna coccosa: Sarri e Dela oramaje stanno cazza e cucchiara e nnun se lassano manco si se vene a ssapé ca se fanno ‘e ccorne… Pure ll’anno ca vene ce à dda jí bbona si arrivammo a n’ata semifinala ‘e coppa itaglia e ssi ‘ncampiunato fernimmo ô terzo, quarto posto, ma levammoce ‘a capa ‘e vencere coccosa. Bbasta accussí! Si Ddi’ vo’ ve dongo appuntamento a llunnerí ca vene doppo d’’a nacchèlla (trasferta) ‘e dummeneca a ssera a rRoma contro â scuatra d’’o pappavallo ‘e lotito ca ‘ncampiunato ce sta tallunanno e cce vulesse fottere pure ‘o terzo posto! Facimmo corne! Staveti bbe’.
