Ciruzzo Mertens fove ll’arillo nuosto; Sarri 6: vasilla ‘nfra n’otto e ‘nu quatto

Napoli-Real Madrid, le pagelle in lingua: Mertens accende la speranza, promossi Hamsik e Diawara. Bocciati Callejon, Koulibaly e Hysaj.

Ciruzzo Mertens fove ll’arillo nuosto; Sarri 6: vasilla ‘nfra n’otto e ‘nu quatto

Napoli-Real Madrid

Che disdetta guagliú! N’atu dispiacere e n’ata delusione peggio ‘e chella d’’o mese passato lla ‘nterra spagnuola; e ggià pecché ‘a delusione d’ajeressera ô san Paolo fove tanto cchiú grossa e amara pecché venette doppo ca pe bbona n’ora ‘e guagliune cuane (azzurri) [ch’êsseno fatto meglio a mmetterese ‘a muntazzimma (divisa) d’’a Maronna ‘e ll’Arco, soprattutto pe ccuntrastà ‘a presenza ‘e chillu cestariello ‘e Ggiggino uocchie-stuorte e nno chella luvarda (azzurra)] ce facetteno cadià (illudere) ‘e puté fà ‘o miraculo, jucanno overamente bbuono cu ppressiona (pressing) auto a ttutto campo e addirittura mettenno paura a ll’armirricche (marziani) ‘e Zidane e soprattutto â trasera (difesa) lloro ca s’’a facette sotto appena Ciruzzo s’accustava. Peccato però ca arrivate a ll’arrancua (ripresa) s’avutaje ‘o Vangelo, ‘o Napule rallentaje ‘a pressione (pressing), ‘o Rial(le) mettette ‘a capa fora e ‘int’a sseje minute (6’ e 12’) ‘ncopp’a dduje tire ‘e squina (corner) ‘o capitano lloro ce ‘o mettette a ppitoffio cu ‘a spicialità ssoja: ‘a cabbesera (colpo di testa) e ppo ô 91’, apprufittanno d’’a rispinta corta ‘e Reina ch’êva salvato ‘nu tiro ‘e Ronaldo, ll’ècchese lota Morata rignette ‘a mesura signanno ll’addaffa (rete) ‘e ll’uno a ttre definitivo.

E accussí pe ‘sta tempurata (stagione) è ffenuta ‘a mucamara (avventura) ‘nCiampionsa e nun ce rummane ca dicere grazzie assaje a ttutt’’e jucature cuane (azzurri) pecché pure si fa male, è bbello perdere accussì, contro granne avverzarie mise ‘nsuggezzione pe quase n’ora e ca vincetteno p’’o ppoco ‘e mazzo ca tenetteno e allimmeno pe ddoje puttanate ‘e chella latrina d’arbitro turco ca avesse avut’ ânnullà ‘a primma addaffa (rete) ‘e Ramòs(so) e ‘ncopp’ô doje a uno pe lloro, allimmeno ‘nu ricore ce ll’avesse avuto dà e fforze avessemo russimmato (pareggiato) pe ddoje a ddoje! Che peccato Napule, che peccato!

Passammo ê ppaggelle:

Reina 6 – Dette granna tranquillità â sezziona (reparto) quanno ascette ‘ncopp’ê ppalle aute pe ffermà quacche iabbro (cross) arrivate dê pparte soje. Nun putette farece niente ‘ncopp’ê dduje stuche (gol) d’’o capitano catalano marcato malamente; forze êsse pututo evità ‘o siconno si Ciruzzo nun c’êsse miso ‘a capa soja tavvillanno (deviando) ‘a palla e spiazzanno ‘o cumpagno suĵo.Pacienza!

Hysaj 5,5 – Riuscette a ddà filo ‘a torcere a cCristiano Ronaldo,ca fove ubbligato a ss’accentrà pe ttentà d’essere periculuso, riuscennoce sulo ô 91’. Nun riuscette però a ddà nisciunu isciammo (contributo) a ll’epata uffenziva (fase offensiva) visto ca nun riscette maje a arrivà ‘ncopp’â linia ‘e funno pe iabbrà (crossare).

Albiol 5,5 – Nsi’ô 51’ jucaje ‘na granna mubbara (partita)senza iannà (patire) a bBenzemà, jucanno sempe d’ancerca (d’anticipo) e ffove bbravo a ffà arremmarrà (ripartire) ll’azziona. Custretto, pe bbia ‘e Koulibalý a ttené mente pure a cchi capitasse a ccentro d’’a muntaca(area di rigore) se perdette una o ddoje vote a cchillu figlio ‘e coperativa ‘e Sergio Ramòs(so)’ncopp’ê tire ‘e squine (corner) e ssuccedette ‘o llutto; è overo ca ‘ncopp’â primma addaffa (rete) d’’o capitano spagnuolo, chisto lle s’appujaje ‘ncuollo e lle dette ‘na manata ‘nfaccia e ll’arbitro nun vulette cecà a vvedé, ma ‘ncopp’â siconna cabbesera (colpo di testa) ca tavuillata (deviata)dâ capa ‘e Ciruzzo, futtette a rReina, visto ca Koulibalý s’era fatto magnà ‘ncapo dô figlio ‘e coperativa spagnuolo, êsse avut’’a fà isso coccosa ‘e cchiú pure a rriseco ‘e farese siscà contro ‘nu ricore contro, tanto rutto pe rrutto!… Ll’êsse avut’’a sapé ca ‘a Ciampionsa è ffata pure d’aditte (episodi) e s’êsse avuto stà cchiú accorto!

Koulibaly 4,5 – Ô ssolito ancòra ‘na vota fove isso ‘a maglia daiffa (debole) d’’a catena cuana (azzurra) ggià durante ô primmo ajone (tempo);’nzomma cuntinuaje ‘o mumento no suojo e vvenette meno ‘int’â serata cchiú ‘mpurtante: sufferette a tturno mo a bBale,mo a bBenzemà e mmo a rRonaldo,fove respunzabbile ‘e cchiú ‘nu sfregazzo (sbavatura) quanno ascette dâ trasera (difesa), dimustraje poca zincateja (incisività) ‘ncopp’ê ppalle aute e sse purtaje ‘ncopp’â cuscienza ‘a siconna addaffa (rete) ‘e Ramòs(so) facennose magnà ‘ncapo dô capitano spagnuolo. E cche saciccio!

Ghoulam 6 – Pure isso , comme Hysaj,se facette vedé pochi vvote a ‘mpurrà (spingere) ‘ncopp’â curzia, però durate ô primmo ajone (tempo) fove prutacunista ‘e ‘na bbella brica (duello) cu bBale e ttutto summato n’ascette bbuono.

Allan 6 – Fove isso ‘a surpresa pusitiva ‘e Sarri ô pprincipio d’’o sibbacco(match) e ‘o brasiliano luttaje comme a ‘nu lione safanno (pressando) a ttutto campo e mmannanno ‘ndifficultà ‘a sezziona (reparto) ‘e miezo spagnuola ca faticaje a ffà juoco. Certo a ll’arrancua (ripresa)perdette ‘e vuduja (lucidità), ma se sapeva ca avesse tenuto n’arcumma (autonomia)madduddata (limitata) [dô 56’ Rog 6 – Nun facette cape d’angelo, ma trasette súbbeto bbuono ‘nsibbacco (nel match) cu bbona perzunalità e ccu ddoje cunchiusione ‘e poco a llato.]

Diawara 6,5 – ‘O Rial(lo) riuscette sí a ssignà, ma sulo ‘ncopp’a ttire ‘e squina(corner) e ffove periculuso ‘ncopp’ê ccurzie, ma maje p’’e vvie centrale addó facette palla corta vedennosela cu ‘o guaglione ècchese bBulogna ca facette ‘nu bbuonu culaturo (filtro) a ll’armidanno (a centrocampo).

Hamsik 6,5 – ‘A chiena i ‘a vacanta: durante ô primmo ajone (tempo) trascenaje cu ggranna iclía (mentalità) ‘a scuatra ‘nzieme a cCiruzzo, sfuderanno n’istinajo (fantastico) jusaida (assist) proprio pe cCiruzzo ‘nnaccasione ‘e ll’uno a zzero; peccato ca perdette ‘e frischezza a ll’arrancua (ripresa) nsi’ a ffà ‘a fessaria ca ce custaje ‘o tiro ‘e squina (corner) ch’addeventaje ‘o russimmo (pareggio) d’’e spagnuole. Peccato! [dô 75’ Zielinski sv – ‘Na vota trasuto,quanno ‘a mubbara (partita)era ggià ddicisa putette fà poco.]

Callejon [Peppe a’ Nguenta] 5 – e fósse aspettato ‘e cchiú da ll’ècchese Rial(lo), ma ajeressera chella ‘ntesa ca ce fósse avut’’a essere cu cCiruzzo nun ce fove e mmentre ‘o marcazzo (centravanti) nuosto fove periculuso e gghiucaje a mmille, ‘e duje laterale d’attacco facetteno poco e soprattutto Peppe ‘a ‘nguenta nun riuscette maje a ttruvà ‘na chesema (varco) justa ‘int’â trasera (difesa) catalana.

Mertens [Ciruzzo] 7,5 – A ddicere poco istinajo(fantastico)’int’ê primme cinquanta minute e ffove isso, ll’arillo nuosto a mmettere ‘a speranza ‘mpietto ê masciadde (spettatori) d’’o san Paolo ca ascetteno a ‘mpazzí quann’isso signaje mettenno a ffrutto ll’jusaida (assist) ‘e Marekiaro. E nun se fermaje lla mettenno sempe ‘ndifficultà ‘a chietta d’’e centrale,ssafanno (pressando) pure ‘ncuollo a cCasemiro e custringenno a rrallentà ll’azziona d’’o Rial(lo), doppo ‘e ll’addaffa (rete) cugliette pure ‘nu sfurtunato palo vascio e nnisciuno d’ ‘a scuatra ‘e Zidane riuscette a lle stà arreto.Calaje sulo a ll’arrancua (nella ripresa) e s’arrennte sulo doppo ‘e duje pacchere ca ce dètte chillu figlio ‘e coperativa ‘e Ramòs(so).

Insigne 5,5 – Granna partenza ‘e mubbara (partita), trasette ‘int’a ll’azziona ‘e ll’uno a zzero, ma po sparette senza cchiú trtruvà ‘a pusizziona justa.[dô 70’ Milik sv – Trasette, troppo tarde quanno ‘o sibbacco (match) fove ggià ddiciso,e nnunn’avette nè ‘o tiempo, nè ‘o canzo ‘e puté fà coccosa, datose ca, ô ssolito, ‘e cumpagne nun s’accurgetteno ch’era trasuto e nnun lle detteno manco ‘na palla ‘a jucà!].

Sarri 6 – Vasilla(media) ‘nfra n’otto e ‘nu quatto; ll’otto s’’o mmeretaje pe ccomme ‘o Napule ggestiunaje (gestí) ‘o sibbacco (match) durate ô primmo ajone (primo tempo) e ‘o quatto pe ccomme ‘e jucature se cumpurtajeno ‘ncopp’ê tire ‘a fremmo quanno praticamente ‘o Napule nun difennette; ‘nzomma ‘na storia vecchia: pussibbile ca isso nun riesce a ffà capí comme ce se cumporta ‘ncopp’ê tire ‘e squina (corner) e ‘ncopp’a cchille ‘e timmurria(punizione), quanno ‘o Napule nun è ccacchio ‘e difennere a mmestiere? E cche ccacchio!

arbitro Cakir (Turchia) 3 – Pur’isso jette suggetto a ll’iccadía (sudditanza) pisiculoggica ‘e tutte ll’arbitre pronte a ccalarese ‘e brachesse ‘nnante ê granni scuatre zarascie (blasonate) e ca stanno cavere a ppesielle, ma chistu turco ‘e mmerda ajeressera esaggeraje siscanno sempe e ssulo contro ê nuoste,nchiudenno ll’uocchie ‘ncopp’ê ffetenzie ’e ll’armirricche (marziani), nutizzianno (ammonendo) sulo ê cuane Allan(ne) e dDiawarà â primma accasione, piglianno pe bbuono ‘a primmo stuco (gol) ‘e Ramòs(so) signato doppo ca ‘o catalano s’era appujato ‘nucuollo a Albiollo e ll’êva levato ‘a miezo cu ‘na manata ‘nfaccia e soprattutto nun sicanno ricore a ffovore ‘e Ciruzzo sgambettato ‘int’â muntaca(area di rigore) catalana, ‘nu ricore ca forze êsse pututo essere chillo d’’o doje a ddoje.

E ffermammoce cca cunvinte ca chistu Napule nun tène niente ‘a ‘mmidià a nnisciuno ‘a fora ‘e ‘nu mutarribbo (allenatore) ‘nu poco cchiú attiento a ll’epata difenziva (alla fase difensiva) e cquacche madaffio (difensore) cchiú fforte e restammo sicure ca si chist’anno è gghiuta accussí,cu ‘na scuatra accussí ggiovana pe ll’anne ca veneno ce divertimmo assaje e fforze arrivammo finalmente addó so’ anne ca vulimmo arrivà. E mmo turnammo cu ‘e piere ‘nterra e tturnammo a ppenzà ô campiunato i a cchillu bbeniditto terzo o siconno posto ca nun avimm’’a perdere; dummeneca ce vène a ffà visita ‘o Crotone e sso’ ssicuro ca si dDi’ vo’ llunnerì ca vene ve pozzo cuntà bbelli cose. Staveti bbe’! R.Bracale Brak

ilnapolista © riproduzione riservata