ilNapolista

Mertens ‘nu diavulillo cu ‘e fruvole pazze

Mertens ‘nu diavulillo cu ‘e fruvole pazze

Misa ‘e parte ‘a delusione p’’o pareggio casalinco ‘ncampiunato cu ll’Interra,ajeressera ô san Paolo, ‘nnante a ppoca ggente e a cquacche cestariello (ca êsse fatto meglio a starese â casa soja) ‘o Napule turnaje ‘ncampo pe ll’antraffa (partita) d’affarta (andata) ‘e ll’uttave ‘e finala d’E.L., cumpetizziona ca ‘nteressa assaje â suggità cuana e a ddon Rafele. E ppe ggrazzia d’’o Cielo ajeressera, ringrazzianno a ssantu Pipita ca ne facette tre, se vincette ‘ncassanno però ‘nu stuco (gol), ca proprio nun ce vuleva. Purtroppo ‘e cuane – quanno ancòra se steveno guardannose attuorno pe vvedé ‘e che se trattava – se facetteno cògliere ‘e surpresa e ‘ncopp’ô primmo tiro ‘e squina (corner) ‘nun marcajeno a dduvere a cchell’anema longa ‘e Kuranyí ca cu ‘na cabbesera (colpo di testa) viulenta facette sicco a Anducàrro e cce futtette custringennoce a ddarce da fà pe ricuperà ‘o risultato e mmettere ‘na bbona iputeca ‘ncopp’ô passaggio ‘e turno. Cosa ca pe ggrazzia d’’o Cielo succedette e ssi proprio ‘e ggiuoche nun so’ ggià fatte, jenno a mMosca ‘nvantaggio pe ttre a uno, i’ penzo ca ggioverí ca vène putimmo stà tranquille e ll’antraffa (partita) ‘e ricresso (ritorno) nun ce mette paura giacché ‘a veco difficile ca ‘a Dinamo po’ ffarce dduje stuche (gol) senza ‘ncassarne nisciuno. Passammo ê ppaggelle:

ANDUJAR 6 Kuranyí ‘o futtette a ffriddo e isso nun ce putette fà niente ‘a fora de chiammà ‘e muorte a ttutte ‘e suoje ca nun êveno marcato a dduvere ‘o terisco. Po nun êtt’ ‘a fà nisciuna parata, ma fove sempe prisente quanno ‘a palla runzaje dê pparte d’’a camma (area) luvarda (azzurra).

HENRIQUE 6- Se facette surprennere súbbetoda Kuranyí,ma po furnette n’atalossa (prestazione) attienta e ppricisa sia arreto ca annante.

KOULIBALY s.v. Sfurtunato, ‘o facetteno male quase súbbeto e sse nn’êtte ’ascí.

(dô 9° ALBIOL 6,5 Trasuto a ffriddo ô posto ‘e ll’accidentato (infortunato) Koulibalý, non risentette d’ ‘o ‘mprevisto e gghiucaje cu ttranquillità e ccuncentrazziona)

BRITOS 6- Si nun tenimmo cunto d’’o primmo minuto, cumplessivamente jucaje bbuono mettenno ‘a musarola a cKokorínno.

GHOULAM 6,5 Tartagliaje (balbettò) ‘nu poco ô pprincipio, ma po, cazziato a dduvere e sprunato ‘a don Rafele, addivintaje padrone d’’a curzia ‘e mancina: nun se facette surpennere arreto, mentre annante dètte ‘na bbona mana a Mertenso e ffurnette ô Pipita ‘a palla ‘e ll’uno a uno.

INLER 6,5 N’ ata bbella atalossa (prestazione) d’’o turco-napulitano, sempe prisente quanno s’êtt’ ‘a mettere ordine ‘mmiez’ô campo. Cercaje spisso furtuna, sparacchianno ‘mporta pure da assaje luntano, ma senza maje truvà ‘o specchio d’’a porta. Partecipaje però all’azziona ca purtaje ô ricore d’’o vantaggio.

JORGINHO 5,5 ‘O cchiú ‘mpacciato pure fisicamente facette fatica e aizaje porvera comme lle càpita spisso durante ‘sta tempurata (stagione).Nun capisco pecché don Rafele ‘o mettette ‘ncampo.

CALLEJON 6- Êsse vuluto fà ‘e cchiú,ma lle mancaje ‘a pricisione e nun riuscette a ttruvà ‘a porta comme ‘mmece lle fósse piaciuto. (Da ll’82° ZUNIGA s.v. Sinamparco (comunque) benturnato!)

DE GUZMAN 6- Avettemo aspettà ca ‘a Dinamo rummanesse ‘ndiece pe vvederlo guadagnarese spazzio ‘ncopp’â trecquarte. (Dô 70° HAMSIK 6,5 – Tuccaje ‘na cifra ‘e pallune trasenno cu granna vivacezza (vivacità) dinto a cquase tutte ll’azzione ‘e ll’udemi vinte minute.)

c

Misa ‘e parte ‘a delusione p’’o pareggio casalinco ‘ncampiunato cu ll’Interra,ajeressera ô san Paolo, ‘nnante a ppoca ggente e a cquacche cestariello (ca êsse fatto meglio a starese â casa soja) ‘o Napule turnaje ‘ncampo pe ll’antraffa (partita) d’affarta (andata) ‘e ll’uttave ‘e finala d’E.L., cumpetizziona ca ‘nteressa assaje â suggità cuana e a ddon Rafele. E ppe ggrazzia d’’o Cielo ajeressera, ringrazzianno a ssantu Pipita ca ne facette tre, se vincette ‘ncassanno però ‘nu stuco (gol), ca proprio nun ce vuleva. Purtroppo ‘e cuane – quanno ancòra se steveno guardannose attuorno pe vvedé ‘e che se trattava – se facetteno cògliere ‘e surpresa e ‘ncopp’ô primmo tiro ‘e squina (corner) ‘nun marcajeno a dduvere a cchell’anema longa ‘e Kuranyí ca cu ‘na cabbesera (colpo di testa) viulenta facette sicco a Anducàrro e cce futtette custringennoce a ddarce da fà pe ricuperà ‘o risultato e mmettere ‘na bbona iputeca ‘ncopp’ô passaggio ‘e turno. Cosa ca pe ggrazzia d’’o Cielo succedette e ssi proprio ‘e ggiuoche nun so’ ggià fatte, jenno a mMosca ‘nvantaggio pe ttre a uno, i’ penzo ca ggioverí ca vène putimmo stà tranquille e ll’antraffa (partita) ‘e ricresso (ritorno) nun ce mette paura giacché ‘a veco difficile ca ‘a Dinamo po’ ffarce dduje stuche (gol) senza ‘ncassarne nisciuno. Passammo ê ppaggelle:

ANDUJAR 6 Kuranyí ‘o futtette a ffriddo e isso nun ce putette fà niente ‘a fora de chiammà ‘e muorte a ttutte ‘e suoje ca nun êveno marcato a dduvere ‘o terisco. Po nun êtt’ ‘a fà nisciuna parata, ma fove sempe prisente quanno ‘a palla runzaje dê pparte d’’a camma (area) luvarda (azzurra).

HENRIQUE 6- Se facette surprennere súbbetoda Kuranyí,ma po furnette n’atalossa (prestazione) attienta e ppricisa sia arreto ca annante.

KOULIBALY s.v. Sfurtunato, ‘o facetteno male quase súbbeto e sse nn’êtte ’ascí.

(dô 9° ALBIOL 6,5 Trasuto a ffriddo ô posto ‘e ll’accidentato (infortunato) Koulibalý, non risentette d’ ‘o ‘mprevisto e gghiucaje cu ttranquillità e ccuncentrazziona)

BRITOS 6- Si nun tenimmo cunto d’’o primmo minuto, cumplessivamente jucaje bbuono mettenno ‘a musarola a cKokorínno.

GHOULAM 6,5 Tartagliaje (balbettò) ‘nu poco ô pprincipio, ma po, cazziato a dduvere e sprunato ‘a don Rafele, addivintaje padrone d’’a curzia ‘e mancina: nun se facette surpennere arreto, mentre annante dètte ‘na bbona mana a Mertenso e ffurnette ô Pipita ‘a palla ‘e ll’uno a uno.

INLER 6,5 N’ ata bbella atalossa (prestazione) d’’o turco-napulitano, sempe prisente quanno s’êtt’ ‘a mettere ordine ‘mmiez’ô campo. Cercaje spisso furtuna, sparacchianno ‘mporta pure da assaje luntano, ma senza maje truvà ‘o specchio d’’a porta. Partecipaje però all’azziona ca purtaje ô ricore d’’o vantaggio.

JORGINHO 5,5 ‘O cchiú ‘mpacciato pure fisicamente facette fatica e aizaje porvera comme lle càpita spisso durante ‘sta tempurata (stagione).Nun capisco pecché don Rafele ‘o mettette ‘ncampo.

CALLEJON 6- Êsse vuluto fà ‘e cchiú,ma lle mancaje ‘a pricisione e nun riuscette a ttruvà ‘a porta comme ‘mmece lle fósse piaciuto. (Da ll’82° ZUNIGA s.v. Sinamparco (comunque) benturnato!)

DE GUZMAN 6- Avettemo aspettà ca ‘a Dinamo rummanesse ‘ndiece pe vvederlo guadagnarese spazzio ‘ncopp’â trecquarte. (Dô 70° HAMSIK 6,5 – Tuccaje ‘na cifra ‘e pallune trasenno cu granna vivacezza (vivacità) dinto a cquase tutte ll’azzione ‘e ll’udemi vinte minute.)

MERTENS 7,5 ‘Nu diavulillo cu ‘e fruvole pazze; si ‘e stuche (gol) ‘e ssignaje ‘o Pipita, isso facette tutto ‘o riesto: accelleraje, cagnaje direzzione mannanno ô manicomio ‘a tràsera (difesa) russa, puntaje ll’ommo e ‘o zumpaje puntualmente, s’abbuscaje ‘o ricore, se ne fósse mmeretato n’ato e sservette a gGonzalone ll’ajuda (assist) d’’o tre a uno!

HIGUAIN 9 Serata acàbata (perfetta) ‘e ll’erdo (eroe) cuano ca partecipaje custantemente â manovra uffenziva e nne facette addirittura tre cosa ca permette ô Napule ‘e jí a mMosca cchiú tranquillo e mmeno preoccupato.

BENITEZ 6,5 Chi vence ave raggione e ‘o Napule vincette pure si cu cquacche sufferenzia ô pprincipio; azzeccate quase tutte ‘e ddicisione pigliate soprattutto chella ‘e mettere ‘ncampo Gonzalone. I’ però avesse fatto a mmeno ‘e Ggiorgigno, ma nun saccio comme steva Lopezzo! Avesse vuluto ‘o quarto stuco (gol), ma nun fove accuntentato; peccato!

arbitro SIDIROPOULOS 5,5 Quacche sfregazzo(sbavatura) cca e lla e soprattutto n’atu ricore nun dato a mMertenso!

E bbasta accussí. Cu cchesto ve saluto e ssi ‘o Signore ‘o vvo’ ce sentimmo â prossima vota, doppo d’’o fullè(match) ‘e dummeneca ca vene contr’ô Verona a vVerona speranno ca [corna facenno] ve pozzo cuntà bboni ccose.
Staveti bbe’!
R. Bracale Brak

ilnapolista © riproduzione riservata