Guagliú vulimmo pe ‘nu mumento fà ‘o cunto d’ ‘a lavannara? Pe mme a ‘stu mumento cu ‘o mercato fatto ‘o discorzo è facile facile: Ce mancano dduje jucature dâ rónna (dalla rosa) ‘e ll’anno passato. Stàteme a ssèntere e ve faccio vedé comme stammo mise ‘nfra trasferènzie (cessioni) e pussibbile sustitute (eventuali sostituti); ve faccio vedé ce mancano allimmeno dduje jucature: Cribari pe Britos, Pazienza pe Dzemailí, Santacroce pe Fernandez(zo), Blasi pe Donadel(lo), Yebda pe inler(ro), Sosa pe Santana, Iezzo pe Rosati, Gianello pe Colombo, Vitale e Dumitru pe nisciuno…
Quindi raggion pe ccuje i’ penzo ca comme minimo avesser’ ‘a arrivà allimmeno ati dduje jucature e ppe mme êsser’ ‘a essere n’attaccante capace ‘e jucà ô posto o d’ ‘o Pocho o d’ ‘o Matador(ro) e ppe comme veco ‘e ccose i’, jessero bbuono o Denis(so) o Vucinic(cio) o Jovetic(cio) e ‘nu difenzore centrale ô posto ‘e culo’echiummo ca nun se po’ proprio cchiú gguardà!
A pparte po ca tenimmo ancòra ‘o prubblema ‘e truvà a uno ô posto ‘e Gargano ca nun è ccosa d’ ‘o fà jucà cchiú e tenimmo ‘o prublema ca si se fa male Marekiaro nun ne tenimmo a uno ca fa ‘o stesso juoco suĵo (che ne dicisseve ‘e Pastore?). Sperammo ca Aurelione arapé.
FORZA NAPOLI, CIUCCIO FA’ TU!
Brak
