Si ‘o bongiorno se vede d’ ‘a matina ‘a jurnata d’ ‘o Napule sarrà ‘na chiaveca! Bigònno à fatto ‘a primma fessaria: à dato Denísso all’ Udinese e s’è tenuto a cchillu paracarro, matarazzo ‘mbuttunato ‘e ziccule, ca se chiamma Zzalaggeta, ca nun è bbuono nè pe frijere, nè pp’arrostere!
Dich’i’: Tu te vuó vennere a Denísso, pecché te serve ‘nu posto pe n’extracomunitario nuovo (ca po, però, êsse ‘a essere meglio ‘e ll’argentino…) e allora nun ‘o vennere a ‘na squatra cuncurrente d’ ‘o Napule! Vinnatillo a ll’estero… E ‘mmece isso ll’à dato proto all’Udinese, addó Denísso – ve faccio avvedé… – ‘ncocchia cu Di Natale farrà cose ‘e pazze.Fraditanto nun se tira ‘nterra ‘o capo ‘e Frèddo e pare ca Bigònno mo vulesse piglià a ‘nu certo Robert Acquafresca, ca certamente nun è mmeglio ‘e Denísso; se fosse chiammato Acqua-’e- senza o Acqua –‘e –mmummera tanto ‘e guaragnato, ma se chiamma Acquafresca…, cioè nun è mmanco ‘na gassosa! A pparte po ch’è ‘nu poco allurdato avenno jucato cu ll’Atalanta! Che ne putimmo sperà?
Brak
