A Maronna s’è vista!
L’avevo prunusticato

Amice bbelle, me dispiace pe vuje ate ca site   tifuse taliani e ve avivevene creduto ca l’Italia s’arrubbava n’atu campionato mondiale…, ma – comm’ i’ avevo prunusticato – ‘a Slovacchia ‘e Marekiaro à rimannato â casa l’Italietta ‘e  Lippi, ‘na squatra vecchia, molla,  juventina, supponente, viulenta,  ca però nun slle so’ abbastate  ‘e  regaloni  ‘e ll’arbitro (forse accattato…cu ‘e sorde vuoste!) ca non à vuluto vedé ca Di Natale, primma ca signava ‘o golle steva ‘a mez’ora in fuorigioco , e ca  à ‘nchiuso dduje uocchie e forze tre pe nun ghittà â via ‘e fora Cannavaro e Gattuso, dduje catavere ambulante ca però   ànno mazzuliato a mmeglio a mmeglio, a trarimento e a ssanco ‘e poveri slovacchi. Nun è abbastato l’ajuto  ‘e ll’ arbitro; e ‘a Maronna s’è vista!Lippi e ‘e suoje ànno fernuto ‘e fa ‘e sbruffune: Lippi nun vuleva nisciuno ‘ncopp’ ô carro d’ ‘a vittoria!…

I

ilnapolista © riproduzione riservata