Lavezzi nun era isso, Cavani quatte su quatte

Le pagelle di Bari-Napoli in lingua madre: <strong>
De Sanctis</strong> 5,5 ‘A chiena e ‘a vacante: quacche bbella parata ‘ncoppa a Barreto, Almiròn e Castillo, ma ‘nchiummato ‘mmiez’ê pale, anzicché ascí, ‘ncopp’ ô gollo ‘e Barreto!

<strong>Grava</strong> 6- À dda cantà e purtà ‘a croce pe vvia ca Culo’e chiummo Cannavaro va facenno ‘o nnacchennello dinto a ll’area ‘e ricore barese e ‘o lassa sulo lla dereto! È overo ca nun à cuntrastato Barreto, ma p’ ‘o riesto à dato sicurezza. ( Aronica 6- dal 25′ Stesso discorzo ‘e Grava. Cannavaro ll’à lassato sulo sulo nun essenno riusciuto a recuperà ‘a posizzione ‘e centrale e ‘o puveriello s’è truvato fora posizzione ô mumento d’ ‘o gollo finale ‘e Castillo)

<strong>Cannavaro</strong> 3,5 È ‘o guajo niro d’ ‘o Napule! Quaccuno ll’avesse spiecà ca ‘e ruolo à dda fà ‘o centrale marcanno ll’avversario centrattacco o ‘mposizzione ‘e centrattacco… ‘Mmece vo’ jí facenno isso ‘o centrattacco: à lassato ‘a pusizziona soja pe gghí a rrompere ‘e ppalle a Lavezzi, Cavani e Hamsik; sí à pure signato (a mmazzo!), ma po nun è riuscito a recuperà a posizziona e à lassato Grava e Aronica dint’ê guaje! Dich’i’: ll’ànno accattato a Cribari e mmo ‘o facessero jucà e mannassero Culo ‘e chiummo a scupà ‘e latrine d’ ‘o san Paolo!
<strong>
Campagnaro</strong> 5 Deludente contro â Fiorentina; nun <strong>s</strong>teva ‘nserata e s’è visto; peccato! Sperammo ca se repiglia ampressa: è ‘nu grande jucatore e nun se ne po’ ffà a mmeno!<strong>Maggio 5– Serata NO! À sbagliato ‘nu tummulo ‘e stop e de passagge. Ll’unica cosa decente ‘a palla data a Cannavaro ca po à fatto ‘o gollo d’ ‘o doje a uno. P’ ‘o riesto nun s’è fatto vedé ‘ncopp’â fascia e à sbagliato uno ‘e tutto! Gargano 5,5 Quacche buonu spunto, ma nun è stato chello ca ce aspettàvamo: êva ‘a essere cchiú lucido, tuosto, corridore e de spessore… Aspettammolo!

</strong>

<strong>Pazienza</strong> 5,5 Comme a Gargano!À tenuto cumunque ‘o curaggio ‘e marcà a Almiròn, uno d’ ‘e meglie d’ ‘o ( Sosa s v dal 31’st S’à dda rivedé: ‘nu quarto d’ora è ppoco pe giudicarlo: cumunque è uno ca ‘a palla ‘a sape tuccà e purtarla annanze e sape pure cuntrastà!).
<strong>
Dossena</strong> 6- Bellu primmo tempo, cu ‘na bbona serie ‘e lanze p’ ‘e cumpagne ‘e nanze: da isso è partuta l’azzione d’ ‘o gollo ‘e Cavani.Nun m’è piaciuto ‘ncopertura ‘ncoppa a Alvarez… ( Zuniga 5 – dal 19’st; troppi ticche e ttocche inutile primma ‘e fà ‘nu crosso; s’è fatto superà ‘ntromba ‘ncopp’ô doje a ddoje d’ ‘o Bbari!Peccato!!).
<strong>
Hamsik </strong>6 ‘E partite cu ‘a Slovacchia ll’ànnu fatto bbene : ‘na bbona partita, cumpreso l’assisto a Cavani.Mo aspettammo ‘e golle, sempe ca Cannavaro nun ‘o va a rrompere ‘e ppalle jennose a mettere lla addó à dda jí a ‘nfilarse Marekiaro pe gghí a signà!

<strong>Lavezzi </strong>4,5 Forze à scuntato ‘a fatica d’ ‘o volo transoceanico; serata NO; nun era isso.’Mpreciso, fumoso e poco lucido. à sbagliato assaje: ‘ncoppa a 23 tire verzo â porta, n’à sbagliato 24! Nun è riuscito maje a centrà ‘o specchio d’ ‘a porta! Pe gghionta ‘e ruotolo à sciupato n’occasione unica al 64’.

<strong>Cavani</strong>6,5 Quarto gollo dinto a quatte partite e à faticato assaje pe tutt’ ‘a squatra, peffino arretranno dint’ â trequarti azzurra.
<strong>
Mazzarri</strong> 5 Deludente ‘o Napule sujo! Accommencia malamente ‘nu mese ricco ‘e appuntamente. Sbaglia ‘e sostituzzione e nun riesce a fà capí a Cannavaro chello ca à dda fà! Sperammo ca se repigliasse subbeto,ca facesse jucà ‘e nuove, ritruvanno tattica e ghiuco!
<strong>
L’arbitro </strong>5 De Marco à suppurtato senza aizà ‘nu dito, ‘o juoco viulento e ‘e perdite ‘e tiempo d’ ‘e barise. Brak

ilnapolista © riproduzione riservata