Pecché Lavezzi quanno tira centra ‘a curva?

I’ ll’aggiu viste accussì:
DE SANCTIS 5,5 ‘e stima; ‘a chiena e ‘a vacante; quacche parata, ma cierti rinvii fatte a capa ‘e ca**o!
SANTACROCE 4,5 D’accordo ca rientrava ma fuje troppo nervuso e falluso.
CANNAVARO 3 e ll’aggiu trattato bbuono! Pe tutt’ ‘o primmo tempo nun ce capette ‘na mazza; ô siconno facette pure peggio… A ll’urdimi diece minute se menaje annanze a ffà ‘o nnacchennello e a rompere ‘e ppalle ê cumpagne.. A’nu certo punto ll’ arrivaje ‘o pallone bbuono a cinquanta centimetre dâ porta; se fosse stato fermo e ciunco, ‘o pallone lle fosse tuzzato ‘ncopp’ê piede, fosse juto ‘mporta e ‘o Napule avesse vinciuto uno a zzero; ‘mmece isso allargaje piede e ccosce, nun saccio si pe ffà ‘na fenta inutile o ‘nu colpo ‘e tacco sbagliato e facette passà ‘o pallone ca fuje pigliato da ll’ulandese. È ‘nu guajo eterno; i’ dummeneca mettesse a Cribari!
ARONICA 5 Nun steva ‘nserata: troppi sbaglie!
ZUNIGA 4,5 ‘nu poco meglio a sinistra, ma avesse ‘ncarrato ‘nu crosso e ppo ‘a fase difenziva nun è ccosa soja!
GARGANO 4 Nun ne azzeccaje una manco pe sbaglio!Chi è po ca ‘o prega ‘e tirà ‘e punizzione ca nun è mestiere sujo?
YEBDA 5 ‘e stima
DOSSENA 5- accussí, accussí; vuó vedé ch’è ggià stanco doppo appena, tra ‘na cosa e n’ata, quatto partite, ma avesse ‘ncarrato ‘nu crosso!
LAVEZZI 4 comme ‘e vote ca à passato ‘a palla!E pecché quanno tira ‘mporta centra sempe ‘a curva ‘e rimpetto e nun coglie maje ‘o specchio d’ ‘a porta!
CAVANI 6 ma s’anmmeretasse 8 sulo p’ ‘o fatto ‘e jucà cu uno comme a Lavezzi ca non passa maje ‘a palla manco si ‘o sparano, o p’ ‘o fatto ca nun mannà a ffà ‘nculo a Cannavaro ca spisso spisso va a rrompere ‘e ppalle ê cumpagne lla ‘nnanze!
SOSA 5 ‘A tecnica ‘a tène ma se vedette poco o niente
LUCARELLI s.v.pe rispetto ‘e ll’età, ma è ‘ntamato ‘ncuorpo e se vedette!
HAMSIK 6- ‘Nu bbuonu quarto d’ora, ma Marekiaro à dda fà ‘e cchiú!
MAGGIO 5 Vuó vedé ca Prandelli à fatto bbuono a nun chiammarlo cchiú… Nun cumbinaje niente ‘e bbuono, manco ‘nu crosso decente; a ‘nu certo punto trasette in area ‘e ricore e se menaje ‘nterra; ll’arbitro ‘o sgamaje e ll’ammunette;dico io: cierti ccose falle ‘e ffà a cchi ‘e ssape fà: Lucarelli!
MAZZARRI 3 comme ‘e palle gollo pulite pulite avute dall’Utrecht e nun sfruttate( pe miracolo anticipato ‘e san Gennaro!)
Brak