Misterro, levatéllo ‘a capo ca turnate a vvencere

Marcello Lippi s’è ddato ‘nu punio ‘mpietto e à dichiarato: «Se rivinciamo nessuno salirà sul carro». Allora vulesse mannarle ‘stu messaggio:
Misterro, levatéllo ‘a capo ca turnate a vvencere! Oramaje ll’Italiane so’ ccarte cunusciute: ‘o ssanno tutte quante ca so’ viulente, falluse, simulature e provocature e nisciuno arbitro cchiù ve recala ‘nu ricore favezo (arricuordate ll’Australia) pe farve vencere all’urdemu minuto! E è mmeglio po ca ‘mmece ‘e istigarle, ‘e ddaje ‘nu poco ‘e brumuro ê jucature tuoje pecché, statte accorto!,  chist’anno cca ‘na capata a Ccannavaro o Cchiellini (ca so’ dduje guappe ca provocano e pazzejano a ffà male), a chisti dduje chist’anno ‘na capata nun ce ‘a danno ‘mpietto (comme Zidane ‘a dette a Materazzi ca ‘o pruvucava), ma ‘mmocca ,lle fanno agliottere lengua e ddiente o  ‘e mmannano ô llario ‘e Cardone e lle levano ‘o vizzio pe ssempe!

ilnapolista © riproduzione riservata