Toni viecchio e muollo
Tenimecce a Denìs

<table width="653">
<tbody>
<tr valign="top">
<td bgcolor="#FCFAED"></td>
</tr>
<tr valign="top">
<td bgcolor="#FCFAED"><span style="font-family: Arial; font-size: large;">Nun ce pozzo credere! ‘O Napule corre appriesso a Toni!?…..E menu male ca ‘o signurino  De Laurentiis era ‘o cchiú cunvinto e ttuosto spunzorizzatore ‘e ll’ idee nove, ‘e ll’idee ggiovane…….Toni ca va verzo ê 34 anne pare proprio ca è ll’esatto opposto ‘e ‘sti teroie.Oramaje è llento,viecchio, muollo dint’ ê ccosse e scassato dint’ ê mmecce p’ ‘e tropp’infortuni… Nun è nemmanco cchiú ‘nu nomme  ca, almeno ‘na vota, deva affidamento tecnico,pecché era ‘nu guaglione aveto, tuosto e priparato,ma mo?..Mo è ‘na marmellata ‘e cachisse ‘nzuvarate, na ricotta ‘e sciuscelle ca nun se reje allerta e si ‘o ‘ntoppano se squaglia comm’ô bburro d’e munte Lattare!! E ‘mpruspettiva, che garanzie po’ ddà? Nisciuna! Ll’anno ca vene ‘o Napule se truvasse punto e da capo , cu ‘o prubblema ‘e truvà e d’accattà n’attaccante nuovo.Meglio, a pparere mio tenerse ancòra a Denís ca è cchiú ggiovane e rispetto a Toni a pparità ‘e partite e de minute jucate (317- 28400) tene ‘na media gol cchiú mmeglia: Denís: 2,60 – Toni: 0,68. A chistu punto si proprio se vo’ piglià ‘nu nomme  è mmeglio Gilardino ca è ggiovane comme a Denís e tène ‘na media-gol ‘e 2,70. Ma Toni proprio no!  Me dispiace ma Luca Toni nun è pproprio ‘o tipo d’ attaccante ca  serve ô Napule; Toni ‘a paricchiu tiempo s’è appiccecato cu ‘e piede suje stesse e pirciò nun fosse capace ‘e assicurà quacche  scagno decente cu Quagliarella, Lavezzi e Marekiaro Hamsik; ô Napule serve n’attaccante forte ‘e capa (almeno comme a Denís) ma cu ‘e  piede bbuone;nun ce scurdammo po ca  neanche Ranieri a Rroma ll’à fatto jucà cu   cuntinuità…’Na raggione ce à dda stà!Meglio cagnà ubbiettivo, pe favore! E a proposito dico ‘na cosa ca nun aggio maje ditto, ma ca è sacrosanta! Visto ca ‘o signurino De Laurentis è stritto ‘e pietto e ‘o Napule nun se po’ permettere ‘e accattà ‘e bbuoni jucature straniere, fosse meglio  rinuncià a accattà ‘nu jucatore taliano ‘e nomme, tenerse chello ca tenimmo e puntà ‘ncopp’a ‘nu guaglione  ggiovane. Faccio ll’assempio ‘e Ardemagni dô Cittadella: costa poco, è bbravo e è ‘nu ggiovane. Vale sempe ‘a pena ‘e puntà a rinnuvà anzicchè accuntentarse ‘e ggente vecchia, spumpata e ‘ntamata ‘ncuorpo, rimannanno ‘e soluzzioni esatte sempe a ddoppo! ‘E chistu passo ‘o signurino De Laurentis ‘ncopp’ a cchi mettarrà ll’uocchie?…A Graziani?… Pulici?… Paolo Rossi?…Boninsegna, Altobelli?…E pecché no a Amadei,Di Giacomo (media gol 3,75), Postiglione, Del Vecchio (ma nun saccio si è ancora vivo!) o pure Totonno Careca, Sergio Clerici, Da Costa o Vinicio?</span><span style="font-family: Arial; font-size: large;"> </span></td>
</tr>
</tbody>
</table>

ilnapolista © riproduzione riservata